ಸುಕ್ಮಾ ಎನ್​ಕೌಂಟರ್​ನಲ್ಲಿ ಮೂವರು ನಕ್ಸಲರು ಹತ; ಡಿಸಿಎಂ ವಿಜಯ್​ ಶರ್ಮಾ

ಸುಕ್ಮಾದಲ್ಲಿ ನಕ್ಸಲ್​ ವಿರೋಧಿ ಕಾರ್ಯಾಚರಣೆಯನ್ನು ಭದ್ರತಾ ಪಡೆ ಯಶಸ್ವಿಯಾಗಿ ನಡೆಸಿದೆ.

ರಾಯ್​ಪುರ್​ (ಛತ್ತೀಸ್​ಗಢ): ಛತ್ತೀಸ್​ಗಢದ ಸುಕ್ಮಾದಲ್ಲಿ ಭದ್ರತಾ ಪಡೆ ಮತ್ತು ನಕ್ಸಲರ ನಡುವೆ ನಡೆದ ಎನ್​ಕೌಂಟರ್​ನಲ್ಲಿ ಮೂವರು ನಕ್ಸಲರು ಹತರಾಗಿದ್ದಾರೆ ಎಂದು ಉಪ ಮುಖ್ಯಮಂತ್ರಿ ವಿಜಯ್​ ಶರ್ಮಾ ತಿಳಿಸಿದ್ದಾರೆ.

ಸುಕ್ಮಾದಲ್ಲಿ ನಕ್ಸಲ್​ ವಿರೋಧಿ ಕಾರ್ಯಾಚರಣೆಯನ್ನು ಭದ್ರತಾ ಪಡೆ ಯಶಸ್ವಿಯಾಗಿ ನಡೆಸಿದೆ. ಗುಂಡಿನ ದಾಳಿಗೆ ಒಳಗಾದ ಮೂವರ ನಕ್ಸಲರ ಮೃತದೇಹವನ್ನು ವಶಕ್ಕೆ ಪಡೆಯಲಾಗಿದ್ದು, ಶೋಧಕಾರ್ಯ ಮುಂದುವರಿದಿದೆ ಎಂದು ರಾಯ್​ಪುರದಲ್ಲಿ ಅವರು ಮಾಧ್ಯಮದವರೊಂದಿಗೆ ಮಾತನಾಡಿ, ಮಾಹಿತಿ ನೀಡಿದರು.

ಬಿಜಾಪುರ್​ನಲ್ಲಿ ಜನವರಿ 6ರಂದು ಐಇಡಿ ಬಾಂಬ್​​ ಸ್ಫೋಟಿಸಿ ಎಂಟು ಮಂದಿ ಭದ್ರತಾ ಸಿಬ್ಬಂದಿ ಹಾಗೂ ಕಾರು ಚಾಲಕನ ಸಾವಿನ ಘಟನೆ ಕುರಿತು ಪ್ರತಿಕ್ರಿಯಿಸಿದ ಡಿಸಿಎಂ ಶರ್ಮಾ, ನಕ್ಸಲರು ಮಾಡಿದ ಈ ಕೃತ್ಯದಿಂದಾಗಿ ಭದ್ರತಾ ಪಡೆ ಸಿಬ್ಬಂದಿಗಳಲ್ಲಿ ಸಾಕಷ್ಟು ಕೋಪಕ್ಕೆ ಕಾರಣವಾಗಿತ್ತು. ಭದ್ರತಾ ಪಡೆಯನ್ನು ನಾನು ಭೇಟಿಯಾದಾಗ, ಅವರು ನಕ್ಸಲರ ಹಾವಳಿಯನ್ನು ನಿಗದಿತ ಸಮಯದಲ್ಲಿ ನಿರ್ನಾಮ ಮಾಡುವುದಾಗಿ ತಿಳಿಸಿದರು ಎಂದರು.

2026ರ ಮಾರ್ಚ್ ಹೊತ್ತಿಗೆ ದೇಶದಲ್ಲಿ ನಕ್ಸಲರನ್ನು ನಿರ್ಮೂಲನೆ ಮಾಡಲಾಗುವುದು ಎಂಬ ಪಣದ ಪುನರ್​ ಉಚ್ಚಾರವನ್ನು ಕೂಡ ಕೇಂದ್ರ ಗೃಹ ಸಚಿವ ಅಮಿತ್​ ಶಾ ತಿಳಿಸಿದ್ದರು. ಅಲ್ಲದೇ ಬಾಂಬ್​​ ಸ್ಫೋಟದಲ್ಲಿ ಹುತಾತ್ಮರಾದ ನಮ್ಮ ಯೋಧರ ಶ್ರಮವನ್ನು ವ್ಯರ್ಥವಾಗಲು ಬಿಡುವುದಿಲ್ಲ ಎಂದು ಎಚ್ಚರಿಸಿದ್ದರು.

ಗುರುವಾರ, ಸುಕ್ಮಾ ಮತ್ತು ಬಿಜಾಪುರ್​ ಜಿಲ್ಲೆಗಳ ಗಡಿ ಹಾಗೂ ಅರಣ್ಯದಲ್ಲಿ ಭದ್ರತಾ ಪಡೆದ ಮತ್ತು ನಕ್ಸಲ್​ ವಿರೋಧಿ ಕಾರ್ಯಾಚರಣೆ ಈ ಎನ್​ಕೌಂಟರ್​ ನಡೆಸಿದೆ. ಜಿಲ್ಲಾ ರಿಸರ್ವ್​ ಗಾರ್ಡ್, ಸ್ಪೆಷಲ್​ ಟಾಸ್ಕ್​ ಫೋರ್ಸ್​ ಮತ್ತು ಕೊಬ್ರಾ ಸಿಬ್ಬಂದಿ ಕೂಡ ಈ ಕಾರ್ಯಾಚರಣೆಯಲ್ಲಿದ್ದರು ಎಂದು ಪೊಲೀಸರು ಮಾಹಿತಿ ನೀಡಿದರು.

ಈ ವರ್ಷ ಇಲ್ಲಿಯವರೆಗೆ 9 ನಕ್ಸಲರನ್ನು ಪ್ರತ್ಯೇಕ ಎನ್​​ಕೌಂಟರ್​ನಲ್ಲಿ ಹೊಡೆದುರುಳಿಸಲಾಗಿದೆ. ಅಬುಜಮದ್​ನಲ್ಲಿ ಹಾಗೂ ಬಿಜಾಪುರ್​ ಜಿಲ್ಲೆಯ- ನಾರಾಯಣಪುರ - ದಂತೇವಾಡ ಜಿಲ್ಲೆಯಲ್ಲಿ ಮೂರು ದಿನಗಳ ನಕ್ಸಲ್​ ವಿರೋಧಿ ಕಾರ್ಯಾಚರಣೆ ಜನವರಿ 6ಕ್ಕೆ ಮುಗಿದಿದ್ದು, ಘಟನೆಯಲ್ಲಿ ಇಬ್ಬರು ಮಹಿಳೆಯರು ಸೇರಿದಂತೆ ಐವರು ನಕ್ಸಲರು ಹತರಾಗಿದ್ದಾರೆ ಎಂದು ಅವರು ತಿಳಿಸಿದರು.

ಕಳೆದ ವರ್ಷ 219 ನಕ್ಸಲರು ಹತ; ಜನವರಿ 3ರಂದು ರಾಯ್​ಪುರ ವಿಭಾಗದ ಗರಿಬಾಂಡ್​ ಜಿಲ್ಲೆಯಲ್ಲಿ ಓರ್ವ ನಕ್ಸಲ್​ ಹತನಾಗಿದ್ದಾನೆ. ಕಳೆದ ವರ್ಷ 219 ನಕ್ಸಲರು ಭದ್ರತಾ ಪಡೆಯ ಗುಂಡಿಗೆ ಬಲಿಯಾಗಿದ್ದಾರೆ ಪೊಲೀಸರು ತಿಳಿಸಿದರು.

ಇದನ್ನೂ ಓದಿ: 1978ರ ಸಂಭಾಲ್ ಗಲಭೆಯ ಮರುತನಿಖೆಗೆ ಯುಪಿ ಸರ್ಕಾರದ ಆದೇಶ: ವಾರದೊಳಗೆ ವರದಿ ಸಲ್ಲಿಸಲು ಸೂಚನೆ