ಸುಪ್ರೀಂ ಕೋರ್ಟ್​ ಯೂಟ್ಯೂಬ್​ ಚಾನಲ್‌ಗೆ ಕನ್ನ ಹಾಕಿದ ಸೈಬರ್ ಕಳ್ಳರು​ - Supreme Court YouTube Channel

ಸುಪ್ರೀಂ ಕೋರ್ಟ್‌ ಯೂಟ್ಯೂಬ್​ ಚಾನಲ್​ ಹ್ಯಾಕ್​ ಮಾಡಿ ಕ್ರಿಪ್ಟೊಕರೆನ್ಸಿ ಕುರಿತು ಮಾಹಿತಿ ಪ್ರಸಾರ ಮಾಡಲಾಗಿದೆ.

ನವದೆಹಲಿ:ಸುಪ್ರೀಂ ಕೋರ್ಟ್​ನ ಯೂಟ್ಯೂಬ್​ ಚಾನಲ್​ ಅನ್ನು ಶುಕ್ರವಾರ ಸೈಬರ್ ಕಳ್ಳರು ಹ್ಯಾಕ್​ ಮಾಡಿದ್ದು, ಅದರಲ್ಲಿ ಅಮೆರಿಕ ಮೂಲದ ಕಂಪನಿ ರಿಪ್ಪೆಲ್​ ಲ್ಯಾಬ್ಸ್​​ ಅಭಿವೃದ್ಧಿಪಡಿಸಿದ ಕ್ರಿಪ್ಟೊಕರೆನ್ಸಿ ಕುರಿತು ಪ್ರಚಾರ ಮಾಡಲಾಗಿದೆ.

ಯೂಟ್ಯೂಬ್​​ ಚಾನಲ್​ ಹ್ಯಾಕ್​ ಆಗಿದ್ದು, ಖಾಲಿ ವಿಡಿಯೋದಲ್ಲಿ 'ಬ್ರಾಡ್​ ಗಾರ್ಲಿಂಗ್ಹೌಸ್​: ರಿಪ್ಪೆಲ್​ ರೆಸ್ಪಾಂಡ್ಸ್​ ಟು ದಿ ಎಸ್​ಇಸಿಯ 2 ಬಿಲಿಯನ್​ ಡಾಲರ್​ ದಂಡ! ಎಕ್ಸ್‌ಆರ್​ಪಿ ಪ್ರೈಸ್​ ಪ್ರೆಡಿಕ್ಷನ್' ("Brad Garlinghouse: Ripple Responds To The SEC's $2 Billion Fine! XRP PRICE PREDICTION") ಎಂಬ ಶೀರ್ಷಿಕೆ ಕಂಡುಬರುತ್ತಿದೆ.

ಸರ್ವೋಚ್ಛ ನ್ಯಾಯಾಲಯದ ಯೂಟ್ಯೂಬ್​ನಲ್ಲಿ ಸಾರ್ವಜನಿಕ ಹಿತಾಸಕ್ತಿ ಒಳಗೊಂಡಿರುವ ಮತ್ತು ಸಾಂವಿಧಾನಿಕ ಪೀಠದ ಮುಂದಿರುವ ಪ್ರಕರಣಗಳ ವಿಚಾರಣೆಯ ನೇರಪ್ರಸಾರ ಮಾಡಲಾಗುತ್ತದೆ. 2018ರಲ್ಲಿ ಸಿಜೆಐ ಯು.ಯು.ಲಲಿತ್ ನೇತೃತ್ವದಲ್ಲಿ ನಡೆದ ನ್ಯಾಯಾಲಯದ ಸಭೆಯಲ್ಲಿ ಸಾಂವಿಧಾನಿಕ ಪೀಠದ ವಿಚಾರಣೆಗಳನ್ನು ಯೂಟ್ಯೂಬ್​ ಮೂಲಕ ನೇರಪ್ರಸಾರ ಮಾಡಲು ಕೋರ್ಟ್ ನಿರ್ಧರಿಸಿತ್ತು.

ಇದನ್ನೂ ಓದಿ: ಸೌತ್​ ಲೇಡಿ ಸೂಪರ್​ ಸ್ಟಾರ್​ ನಯನತಾರಾ ಟ್ವಿಟರ್​​ ಹ್ಯಾಕ್​​​: ಅನಗತ್ಯ ಟ್ವೀಟ್ಸ್ ನಿರ್ಲಕ್ಷಿಸುವಂತೆ ನಟಿಯ ಮನವಿ