ಛತ್ರಪತಿ ಸಂಭಾಜಿನಗರ (ಔರಂಗಾಬಾದ್): ತಂಗಿಯ ಪ್ರೇಮ ವಿವಾಹಕ್ಕೆ ಸಹಾಯ ಮಾಡಿದ್ದಕ್ಕೆ ಸಿಟ್ಟಿಗೆದ್ದು, ಸಿನಿಮೀಯ ಶೈಲಿಯಲ್ಲಿ ಯುವಕನೊಬ್ಬನ ದೇಹದ ಮೇಲೆ ನಾಲ್ಕು ಬಾರಿ ಬೊಲೆರೋ ಚಲಾಯಿಸಿ ಕೊಂದು ಹಾಕಿರುವ ಆಘಾತಕಾರಿ ಘಟನೆ ವಾಲಾಜ್ ಪ್ರದೇಶದಲ್ಲಿ ನಡೆದಿದೆ. ಮೃತ ಯುವಕನ ಹೆಸರು ಪವನ್ ಮೋಧೆ ಎಂದಾಗಿದ್ದು, ಏಪ್ರಿಲ್ 4 ರಂದು ಮದುವೆ ಆಗಬೇಕಿತ್ತು. ಹೀಗಾಗಿ ಹಣ ತೆಗೆಯಲು ತಂದೆಯೊಂದಿಗೆ ಬ್ಯಾಂಕ್ಗೆ ತೆರಳಿದ್ದರು ಎಂಬುದಾಗಿ ತಿಳಿದು ಬಂದಿದೆ. ಕೊಲೆಯ ಆರೋಪಿ ಸಚಿನ್ ವಾಘಚೌರೆ. ಮೃತನ ಚಿಕ್ಕಪ್ಪ ಎಂಬುದಾಗಿ ತನಿಖೆ ವೇಳೆ ತಿಳಿದು ಬಂದಿದೆ. ವಾಲಾಜ್ ವ್ಯಾಪ್ತಿಯ ಶೆಂಡೂರು ವಾಡ ರಸ್ತೆಯಲ್ಲಿ ಈ ಘಟನೆ ನಡೆದಿದ್ದು, ವಾಲಾಜ್ ಪೊಲೀಸರು ಮುಂದಿನ ತನಿಖೆ ಕೈಗೊಂಡಿದ್ದಾರೆ.
ಪವನ್ ಅವರ ತಂದೆ ಶಿವರಾಮ್ ಅವರ ಸೋದರಳಿಯ ಆರೋಪಿ ಸಚಿನ್ ವಾಘಚೌರೆ ಅವರ ಪುತ್ರಿಯೊಂದಿಗೆ ಪ್ರೇಮ ವಿವಾಹವಾಗಿದ್ದರು. ನಂತರ ಶಿವರಾಂ ಸಚಿನ್‌ಗೆ ಘಟನೆ ಮರೆಯಲು ಪ್ರಯತ್ನಿಸಿದ್ದರು. ಇಬ್ಬರ ಪ್ರೇಮವಿವಾಹಕ್ಕೆ ಶಿವರಾಂ ಸಹಾಯ ಮಾಡಿದ್ದಾರೆ ಎಂದು ಸಚಿನ್ ಶಂಕಿಸಿದ್ದರು. ಹೀಗಾಗಿ ಯುವಕನ ಮೇಲೆ ಕಡುಕೋಪ ಇತ್ತು. ಶಿವರಾಂ ಪುತ್ರ ಪವನ್ ಅ. 4ರಂದು ವಿವಾಹವಾಗಲಿದ್ದು, ಅದಕ್ಕಾಗಿ ಹಣ ತರಲು ತಂದೆ - ಮಗ ಇಬ್ಬರೂ ದ್ವಿಚಕ್ರ ವಾಹನದಲ್ಲಿ ಬ್ಯಾಂಕ್ಗೆ ತೆರಳಿದ್ದರು.