ಅಪ್ರಾಪ್ತೆ ಮೇಲೆ ಅತ್ಯಾಚಾರವೆಸಗಿದ ಮಲತಂದೆಗೆ ತ್ರಿವಳಿ ಜೀವಾವಧಿ ವಿಧಿಸಿದ ನ್ಯಾಯಾಲಯ

ಮಲಮಗಳ ಮೇಲೆ ಅತ್ಯಾಚಾರ ಎಸಗಿದ ತಂದೆಗೆ ಇಂದೋರ್​ ನ್ಯಾಯಾಲಯ ಕಠಿಣ ಶಿಕ್ಷೆ ವಿಧಿಸಿ ಆದೇಶಿಸಿದೆ.

ಇಂದೋರ್​ : ಅಪ್ರಾಪ್ತ ಬಾಲಕಿ ಮೇಲೆ ಅತ್ಯಾಚಾರ ಎಸಗಿದ ಮಲ ತಂದೆಗೆ ತ್ರಿವಳಿ ಜೀವಾವಧಿ ಶಿಕ್ಷೆ ವಿಧಿಸಿ ಇಂದೋರ್​ ಜಿಲ್ಲಾ ನ್ಯಾಯಾಲಯ ಮಹತ್ವದ ಆದೇಶ ಹೊರಡಿಸಿದೆ. ಜೊತೆಗೆ ಅಪರಾಧಿಗೆ 30,000 ದಂಡವನ್ನು ವಿಧಿಸಿದೆ.

ಏನಿದು ಘಟನೆ?: 2023ರ ಜನವರಿಯಲ್ಲಿ ಇಂದೋರ್​ನ ಅಜಾದ್​ ನಗರದಲ್ಲಿ ಈ ಪ್ರಕರಣ ಬೆಳಕಿದೆ ಬಂದಿದೆ. ಪರೀಕ್ಷಾ ಸಮಯದಲ್ಲಿ ಸಂತ್ರಸ್ತ ಬಾಲಕಿ ಶಾಲೆಯಲ್ಲಿ ಸಂಕಟ ಪಡುತ್ತಿದ್ದನ್ನು ಕಂಡ ಶಿಕ್ಷಕಿ ಆಕೆಯ ಆರೋಗ್ಯ ವಿಚಾರಿಸಲು ತೆರಳಿದಾಗ ಬಾಲಕಿ ಈ ಕುರಿತು ಶಿಕ್ಷಕಿಗೆ ತಿಳಿಸಿದ್ದಾಳೆ. ಬಾಲಕಿ ಮೇಲೆ ಮಲ ತಂದೆಯಿಂದ ಆಗುತ್ತಿದ್ದ ಭಯನಕ ದೌರ್ಜನ್ಯ ತಿಳಿದ ಶಿಕ್ಷಕಿ ಈ ಕುರಿತು ಸಂತ್ರಸ್ತ ತಾಯಿಗೆ ತಿಳಿಸಿದ್ದು, ಬಳಿಕ ಈ ಕುರಿತು ಇಂದೋರ್​ ಪೊಲೀಸರಿಗೆ ಕೂಡ ದೂರು ಸಲ್ಲಿಸಿದ್ದಾರೆ.

ಈ ಪ್ರಕರಣ ಸಂಬಂಧ ಪೊಲೀಸರು ಐಪಿಸಿಯ ಹಲವು ಸೆಕ್ಷನ್​ ಹಾಗೂ ಪೋಕ್ಸೊ ಕಾಯ್ದೆ ಅಡಿ ಪ್ರಕರಣ ದಾಖಲಿಸಿದ್ದರು. ಸಂತ್ರಸ್ತ ತಾಯಿಯ ದೂರಿನ ಮೇರೆಗೆ ಮಲತಂದೆ ಬಂಧಿಸಿ, ಕೋರ್ಟ್​​ ಮುಂದೆ ಹಾಜರು ಪಡಿಸಲಾಗಿತ್ತು.

ಪ್ರಕರಣದಲ್ಲಿ ಸಂತ್ರಸ್ತೆ ಆರೋಪಗಳಿಗೆ ಸಂಬಂಧಿಸಿದ ಎಲ್ಲ ಸಾಕ್ಷ್ಯಗಳನ್ನು ವಿಶೇಷ ಸರ್ಕಾರಿ ವಕೀಲರಾದ ಸುಶೀಲ ರಾಥೋಡ್​ ಅವರು ಸಲ್ಲಿಸಿದರು . ಈ ಸಾಕ್ಷ್ಯಗಳ ವಿಚಾರಣೆ ನಡೆಸಿದ ನ್ಯಾಯಾಲಯ ಮಲತಂದೆಗೆ ತ್ರಿವಳಿ ಜೀವಾವಧಿ ಶಿಕ್ಷೆ ಜೊತೆಗೆ 30,000 ದಂಡ ವಿಧಿಸಿ ಆದೇಶ ನೀಡಿದೆ.

ಇದನ್ನೂ ಓದಿ:ಮಹಿಳೆಯರಿಗೆ 'ನಗದು' ಯೋಜನೆಯಿಂದ ರಾಜ್ಯಗಳ ಆರ್ಥಿಕತೆಗೆ ಪೆಟ್ಟು: ಎಸ್​​ಬಿಐ ವರದಿ

ಇದನ್ನೂ ಓದಿ:ಹೆಚ್ಚುತ್ತಿರುವ ತಾಪಮಾನ: 24 ಗಂಟೆಯಲ್ಲಿ ಒಡಿಶಾದಲ್ಲಿ 42 ಕಾಳ್ಗಿಚ್ಚಿನ ಘಟನೆಗಳು ವರದಿ