ವಯನಾಡ್ ಭೂಕುಸಿತ: 401 ಡಿಎನ್ಎ ಪರೀಕ್ಷೆಗಳು ಪೂರ್ಣ, ಹೆಚ್ಚು ಕೊಳೆತ ದೇಹಗಳ ಡಿಎನ್‌ಎ ಫಲಿತಾಂಶ ವಿಳಂಬ - WAYANAD LANDSLIDES

ವಯನಾಡ್ ಭೂಕುಸಿತದಲ್ಲಿ ಪತ್ತೆಯಾದ 401 ಮೃತ ದೇಹಗಳು ಮತ್ತು ದೇಹದ ಭಾಗಗಳ ಡಿಎನ್ಎ ಪರೀಕ್ಷೆ ಪೂರ್ಣಗೊಂಡಿದೆ. ಆದ್ರೆ ಹೆಚ್ಚು ಕೊಳೆತ ಸ್ಥಿತಿಯಲ್ಲಿ ಪತ್ತೆಯಾದ ಮೃತದೇಹಗಳು ಮತ್ತು ದೇಹದ ಅಂಗಗಳ ಡಿಎನ್​ಎ ಫಲಿತಾಂಶ ವಿಳಂಬವಾಗಲಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಕೋಝಿಕ್ಕೋಡ್ (ಕೇರಳ): ವಯನಾಡ್ ಭೂಕುಸಿತದಲ್ಲಿ 401 ಮೃತ ದೇಹಗಳು ಮತ್ತು ದೇಹದ ಭಾಗಗಳ ಡಿಎನ್ಎ ಪರೀಕ್ಷೆ ಪೂರ್ಣಗೊಂಡಿದೆ. ಇದರಲ್ಲಿ 349 ದೇಹದ ಭಾಗಗಳು 248 ಜನರಿಗೆ ಸೇರಿದ್ದು ಎಂದು ಗುರುತಿಸಲಾಗಿದೆ. 121 ಪುರುಷರು ಮತ್ತು 127 ಮಹಿಳೆಯರನ್ನು ಗುರುತಿಸಲಾಗಿದೆ. ಇದುವರೆಗೆ 437 ದೇಹದ ಭಾಗಗಳು ಪತ್ತೆಯಾಗಿವೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಹೆಚ್ಚು ಕೊಳೆತ ದೇಹದ ಭಾಗಗಳ DNA ಫಲಿತಾಂಶಗಳು ಇನ್ನಷ್ಟು ವಿಳಂಬವಾಗುತ್ತವೆ. ಮುಂದಿನ ಹಂತವೆಂದರೆ ಸಂಬಂಧಿಕರ ಡಿಎನ್‌ಎಯೊಂದಿಗೆ ಹೊಂದಾಣಿಕೆ ಮಾಡುವ ಮೂಲಕ ವ್ಯಕ್ತಿಯನ್ನು ಗುರುತಿಸುವುದು. ಇದಕ್ಕಾಗಿ 119 ರಕ್ತದ ಮಾದರಿಗಳನ್ನು ಸಂಗ್ರಹಿಸಲಾಗಿದೆ. ಈ ಫಲಿತಾಂಶ ಬಂದರೆ ಸತ್ತವರ ಸಂಖ್ಯೆ ಮತ್ತು ಅವರ ವಿವರಗಳ ಬಗ್ಗೆ ಸ್ಪಷ್ಟತೆ ಸಿಗಲಿದೆ. ಸರ್ಕಾರದ ಪ್ರಕಾರ, ಇದುವರೆಗೆ 231 ಸಾವುಗಳು ದೃಢಪಟ್ಟಿವೆ. 128 ಮಂದಿ ನಾಪತ್ತೆಯಾಗಿದ್ದಾರೆ.

ರೋಲಿಂಗ್ ಡಿಎನ್ಎ ಫಲಿತಾಂಶಗಳು ನಿರ್ಣಾಯಕವಾಗಿವೆ. ಮೃತ ದೇಹವನ್ನು ಗುರುತಿಸಲು ಮತ್ತು ಕಾಣೆಯಾದವರ ಪಟ್ಟಿಯನ್ನು ನವೀಕರಿಸಲು ಸಹ ಇದು ಸಹಾಯ ಮಾಡುತ್ತದೆ. ಈಗ ವಿಪತ್ತು ಸಂತ್ರಸ್ತರನ್ನು ಬಾಡಿಗೆ ಮನೆಗಳಿಗೆ ಸ್ಥಳಾಂತರಿಸಲು ಆದ್ಯತೆ ನೀಡಲಾಗಿದೆ. ಬಾಡಿಗೆ ಮನೆ ಹುಡುಕುವ ಪ್ರಕ್ರಿಯೆ ಪ್ರಗತಿಯಲ್ಲಿದೆ. ಮೃತರ ಮತ್ತು ಕಳೆದುಹೋದ ಆಸ್ತಿಯ ಸರಿಯಾದ ಮಾಲೀಕತ್ವವನ್ನು ಖಚಿತಪಡಿಸಿಕೊಳ್ಳುವ ಕಾನೂನು ಸಮಸ್ಯೆಯು ಶೀಘ್ರದಲ್ಲೇ ಪರಿಹರಿಸಲ್ಪಡುತ್ತದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಓದಿ:ವಯನಾಡ್​ನಲ್ಲಿ ಭೂಕುಸಿತಕ್ಕೆ ಕಾರಣ ಬಹಿರಂಗ: ನಾಲ್ಕು ದೇಶಗಳ ಸಂಶೋಧಕರ ತಂಡದ ವರದಿ ಹೀಗಿದೆ - Wayanad landslides