ಬರೋಬ್ಬರಿ 550 ಕೆ.ಜಿ ತೂಕ ಹೆಚ್ಚಿಸಿಕೊಂಡ ಕ್ಯಾಪ್ಟನ್ ಅಭಿಮನ್ಯು

ಕ್ಯಾಪ್ಟನ್ ಅಭಿಮನ್ಯು ಗಜಪಯಣದ ಮೂಲಕ ಅರಮನೆ ಬಂದಾಗ 4,770 ಕೆ.ಜಿ ತೂಕ ಇದ್ದ. ಈಗ 5,320 ಕೆ.ಜಿ. ತೂಕವಿದ್ದು, ಈ ಮೂಲಕ ಬರೋಬ್ಬರಿ 550 ಕೆ.ಜಿ. ತೂಕ ಹೆಚ್ಚಿಸಿಕೊಂಡಿದ್ದಾನೆ.

ಮೈಸೂರು:ಜಂಬೂಸವಾರಿ ಮೆರವಣಿಗೆಯನ್ನು ಯಶಸ್ವಿಗೊಳಿಸಿ ಮತ್ತೆ ಕಾಡಿಗೆ ತೆರಳಿದ 14 ಆನೆಗಳ ಪೈಕಿ 5 ಆನೆಗಳ ತೂಕವನ್ನು ಮಾತ್ರ ಪರಿಶೀಲಿಸಲಾಗಿದೆ.

ಕ್ಯಾಪ್ಟನ್ ಅಭಿಮನ್ಯು ಗಜಪಯಣದ ಮೂಲಕ ಅರಮನೆ ಬಂದಾಗ 4,770 ಕೆ.ಜಿ ತೂಕ ಇದ್ದ. ಈಗ 5320 ಕೆ.ಜಿ. ತೂಕವಿದ್ದು, ಈ ಮೂಲಕ ಬರೋಬ್ಬರಿ 550 ಕೆ.ಜಿ. ತೂಕ ಹೆಚ್ಚಿಸಿಕೊಂಡಿದ್ದಾನೆ. ಮಾಜಿ ಕ್ಯಾಪ್ಟನ್ ಅರ್ಜುನ ಬಂದಾಗ 5,725 ಕೆ.ಜಿ ತೂಕವಿದ್ದ. ಈಗ 6,100 ಕೆ.ಜಿ. ಇದ್ದು, 375 ಕೆ.ಜಿ ತೂಕ ಹೆಚ್ಚಿಸಿಕೊಂಡಿದೆ.

ಮಾಜಿ ಕ್ಯಾಪ್ಟನ್ ಅರ್ಜುನ

ಗೋಪಾಲಸ್ವಾಮಿ ಆನೆ ಅರಮನೆಗೆ ಬಂದಾಗ 5,240 ಕೆ.ಜಿ ಇದ್ದ. ಈಗ 5,650 ಕೆ.ಜಿ ತೂಕವಿದ್ದು, 410 ಕೆ.ಜಿ. ತೂಕ ಹೆಚ್ಚಿಸಿಕೊಂಡಿದೆ. ಕುಮ್ಕಿ ಆನೆ ಚೈತ್ರಾ ಬಂದಾಗ 3,050 ಕೆ.ಜಿ. ಇತ್ತು. ಈಗ 3,450 ಕೆ.ಜಿ. ತೂಕದೊಂದಿಗೆ 400 ಕೆ.ಜಿ ತೂಕ ಹೆಚ್ಚು ಮಾಡಿಕೊಂಡಿದೆ. ಮಹೇಂದ್ರ ಬಂದಾಗ 4260 ಕೆ.ಜಿ. ತೂಕವಿದ್ದ. ಈಗ 4,600 ಕೆ.ಜಿ ತೂಕದೊಂದಿಗೆ 340 ಕೆ.ಜಿ ತೂಕ ಹೆಚ್ಚಿಸಿಕೊಂಡಿದೆ.

ಇದನ್ನೂ ಓದಿ:ದಸರಾ ಗಜಪಡೆಗೆ ಸಾಂಪ್ರದಾಯಿಕ ಬೀಳ್ಕೊಡುಗೆ