નવા કમિશનરે આવતા જ ધાક જમાવી: વડોદરામાં 10 જેટલા પોલીસ અધિકારીઓની કરી બદલી

વડોદરા: શહેર પોલીસ કમિશનર તરીકે નરસિમ્હા કોમારની નિમણૂક થયા બાદ પોલીસ અધિકારીઓની આંતરીક બદલીઓની કાગડોળે રાહ જોઇ રહ્યા હતા.એકાએક પોલીસ બેડામાં આંતરીક બદલીઓ આવતા આતુરતાનો અંત આવ્યો હતો. જેમાં વડોદરા પોલીસના 10 પોલીસ ઇન્સ્પેક્ટરની આંતરિક બદલી કરવામાં આવી છે. પોલીસ કમિશનરના તાબા હેઠળની PCB ના પી.આઈ તરીકે હરણી પોલીસ સ્ટેશનના પી.આઈની નિમણુક કરવામાં આવી છે. જ્યારે એસ.ડી રતાડાની એસ.ઓ.જીમાં બદલી કરવામાં આવી છે.આ ઉપરાંત એ.જે પાંડવ અને જે. એન. પરમારની ટ્રાફિક શાખામાં બદલી કરવામાં આવી છે. વડોદરામાં નવ નિર્મિત પોલીસ કમિશનર નરસિમ્હા કોમારની નિમણૂક થતાં જ પોલીસ બેડામાં વહીવટી કારણોસર બદલીઓ કરવામાં આવી છે.