Ram mandir Rangoli: 'રંગોળીમાં રામ દરબાર', સુરતની આ બહેનોની રંગોળી જોઈને રહી જશો દંગ - undefined

સુરત : અયોધ્યામાં ભવ્ય રામ મંદિરને લઈ દેશભરમાં ભારે ઉત્સાહ છે, ત્યારે સુરત શહેરમાં વિશાળ અને અલૌકિક રંગોળી ભગવાન રામને સમર્પિત કરવામાં આવી છે. આ રંગોળી કતારગામ સ્થિત કોમ્યુનિટી હોલમાં બનાવવામાં આવી છે. 40 જેટલી બહેનોએ 11, 111 સ્ક્વેર ફૂટમાં આ વિશાળ રંગોળી બનાવી છે. જેની અંદર 1400 કિલો રંગનો ઉપયોગ કરવામાં આવ્યો છે અને સતત 15 કલાકની મહેનતથી આ રંગોળીમાં રામ દરબારને કંડાર્યો છે. ભગવાન રામ-સીતા લક્ષ્મણ હનુમાનજી સાથે વાનરસેના પણ રંગોળીમાં અંકિત કરવામાં આવી છે, એટલું જ નહીં આ રંગોળીમાં ભવ્ય રામ મંદિર પણ જોવા મળી રહ્યું છે. આ રંગોળીમાં કોઈપણ ઉપકરણનો ઉપયોગ કરાયો નથી. જેના કારણે આ રંગોળી સંપૂર્ણ રીતે રિયાલિસ્ટિક શ્રીરામ રંગોળી લાગે છે.