અમદાવાદ: કેન્દ્રીય ગૃહ અને સહકારિતા મંત્રી અમિત શાહ આજે અમદાવાદમાં છે. અમદાવાદમાં આયોજીત વિવિધ કાર્યક્રમોમાં તેઓ ઉપસ્થિતિ નોંધાવી રહ્યાં છે.
Amit Shah: કેન્દ્રીય ગૃહ અને સહકારિતા મંત્રી અમિત શાહ આજે ગુજરાતમાં, અમદાવાદમાં વિવિધ કાર્યક્રમોમાં આપશે હાજરી
Published : Feb 12, 2024, 10:29 AM IST
|Updated : Feb 12, 2024, 10:38 AM IST
કેન્દ્રીય ગૃહ અને સહકારિતા મંત્રી અમિત શાહ આજે 12 ફેબ્રુઆરીએ ફરી એક વખત ગુજરાતની મુલાકાતે આવ્યાં છે, આજે તેઓ અમદાવાદમાં વિવિધ કાર્યક્રમોમાં હાજરી આપી રહ્યાં છે.
![Amit Shah: કેન્દ્રીય ગૃહ અને સહકારિતા મંત્રી અમિત શાહ આજે ગુજરાતમાં, અમદાવાદમાં વિવિધ કાર્યક્રમોમાં આપશે હાજરી કેન્દ્રીય ગૃહ અને સહકારિતા મંત્રી અમિત શાહ આજે ગુજરાતમાં](https://etvbharatimages.akamaized.net/etvbharat/prod-images/12-02-2024/448-252-20728392-thumbnail-16x9-jpg.jpg)
કેન્દ્રીય ગૃહમંત્રી અમિત શાહના કાર્યક્રમોની વિસ્તારથી વાત કરીએ તો આજે તેઓ થલતેજ સ્થિત દિવ્ય જ્યોત સ્કૂલ પાસે આવેલ અને એએમસી દ્વારા બનાવવામાં આવેલ નવનિર્મિત સામુહિક આરોગ્ય કેન્દ્રનું ઉદ્ઘાટન કરશે. આ ઉપરાંત જૂના વાડજ ખાતે રામાપીર ટેકરા વિસ્તારમાં સ્લમ પુનર્વાસ યોજના હેઠળ EWS 588 આવાસ મકાનોનું ઉદ્ધાટન કરશે. ત્યાર બાદ મહાનગર પાલિકા સંચાલિત નવનિર્મિત વાડજ સ્કૂલ નંબર 1નું ઉદ્ઘાટન કરશે.
આ ઉપરાંત નવા વાડજ ખાતે સ્વાસ્તિક વિદ્યાલયના સંસ્થાપકની સ્મૃતિમાં સ્વ પ્રકાશચંદ્ર પાઠક માર્ગનું નામકરણ અને લોકાર્પણ કરશે. વધુમાં અમિત શાહ મહાનગર પાલિકાના વિવિધ વિકાસ કાર્યો અને લોકાર્પણ કાર્યક્રમોનું ઉદ્ધાટન કરશે.