કેન્દ્રીય મંત્રી રામદાસ આઠવલેએ PM મોદીના નેતૃત્વની પ્રશંસા, કાર્યકરો સાથે બેઠક કરશે - Union Minister Ramdas Athavale

કેન્દ્રીય સામાજિક ન્યાય અને અધિકારીતા રાજ્ય મંત્રી રામદાસ આઠવલેએ ​​અમદાવાદમાં સર્કિટ હાઉસ ખાતે એક પત્રકાર પરિષદને સંબોધી હતી. જેમાં તેમના મંત્રાલયની સિદ્ધિઓ અને ગુજરાતમાં તેની યોજનાઓના અમલીકરણ પર પ્રકાશ પાડ્યો હતો. Union Minister Ramdas Athavale

અમદાવાદ:કેન્દ્રીય સામાજિક ન્યાય અને અધિકારીતા રાજ્ય મંત્રી રામદાસ આઠવલેએ ​​અમદાવાદમાં સર્કિટ હાઉસ ખાતે એક પત્રકાર પરિષદને સંબોધી હતી. જેમાં તેમના મંત્રાલયની સિદ્ધિઓ અને ગુજરાતમાં તેની યોજનાઓના અમલીકરણ પર પ્રકાશ પાડ્યો હતો.

કેન્દ્રીય મંત્રીએ મોદીના નેતૃત્વની પ્રશંસા કરી:કેન્દ્રીય મંત્રી આઠવલેએ પ્રધાનમંત્રી નરેન્દ્ર મોદીના નેતૃત્વની પ્રશંસા કરી અને કહ્યું કે, "મહિલાઓ માટે અનામત બિલ પસાર કરવા અને કલમ 370 હટાવવા જેવા ઐતિહાસિક નિર્ણયો તેમણે લીધા છે.” તેમણે રેલ નેટવર્ક, રસ્તાઓના વિસ્તરણ, એરપોર્ટ સહિત ઇન્ફ્રાસ્ટ્રક્ચર વિકાસ પર પ્રધાનમંત્રીએ આપેલા લક્ષની પણ પ્રશંસા કરી." કેન્દ્રીય મંત્રીએ સરકારની ફેલોશિપ યોજના પર પ્રકાશ પાડ્યો, જે દરેક રાજ્યના વિદ્યાર્થીઓને નાણાકીય સહાય પૂરી પાડે છે, જેમાંથી 60% મંત્રાલય દ્વારા ઉઠાવવામાં આવે છે. તેમણે એ પણ જાહેરાત કરી કે, આગામી બજેટ સામાજિક અને આર્થિક ન્યાયને પ્રાથમિકતા આપશે, હાંસિયામાં ધકેલાઈ ગયેલા સમુદાયો પર ધ્યાન કેન્દ્રિત કરશે."

મેન્યુઅલ સ્કેવેન્જિંગને નાબૂદ કરવાના સરકારના પ્રયાસો:આઠવલેએ મેન્યુઅલ સ્કેવેન્જિંગને નાબૂદ કરવાના સરકારના પ્રયાસોનો પણ ઉલ્લેખ કર્યો, ઓળખાયેલા લાભાર્થીઓને તેમની આજીવિકા માટે રૂ. 40,000 પૂરા પાડ્યા અને નગરપાલિકાઓને મશીનો ખરીદવા માટે ભંડોળની ફાળવણી, ખાતરી કરી કે કોઈએ ગટરમાં પ્રવેશવું ન પડે. વધુમાં, તેમણે ગરીબો માટે શૌચાલયથી સજ્જ ત્રણ લાખ ઘરો અને ખેડૂતો માટે રૂ. 20,000 કરોડ મંજૂર કરવાની સરકારની પહેલો પર પ્રકાશ પાડ્યો. તેમણે PM મોદીની સામાજિક ન્યાય પ્રત્યેની પ્રતિબદ્ધતા અને ગુજરાતને એક મોડેલ રાજ્ય તરીકે વિકસાવવાના તેમના પ્રયાસો માટે તેમની પ્રશંસા વ્યક્ત કરી હતી અને કાર્યકરો સાથે બેઠક કરશે.

PM મોદીએ 25 કરોડ લોકોને ગરીબીમાંથી બહાર કાઢ્યા: તેમણે કહ્યું કે, અમારું મંત્રાલય સામાજિક અને આર્થિક ન્યાય માટે પ્રતિબદ્ધ છે અને જેમ પીએમ મોદીએ 25 કરોડ લોકોને ગરીબીમાંથી બહાર કાઢવાનું કામ કર્યું છે તેમ અમે ખાસ કરીને રોજગાર માટે આ દિશામાં કામ કરવાનું ચાલુ રાખીશું. પત્રકાર પરિષદ બાદ મંત્રીએ ગુજરાતમાં તેમના મંત્રાલયની યોજનાઓના અમલીકરણની સમીક્ષા કરી હતી.

આઠવલેેએ કોંગ્રેસ પર કર્યા પ્રહારો:ઉપરાંત સરકારે ગત ટર્મમાં અનેક મોટા નિર્ણયો લીધા હતા. મોદીને હરાવનાર ખુદ હારી ગયા. અમારી સરકાર 5 વર્ષનો કાર્યકાળ સફળતાપૂર્વક પૂર્ણ કરશે. ગરીબો માટે આવાસ બનશે. વિરોધી દળમાં અહંકાર આવ્યો. અને કોંગ્રેસને 99 બેઠક મળી અને રાહુલ ગાંધીને લોકોને ગેરમાર્ગે દોર્યા, જેથી ઉત્તર પ્રદેશ, રાજસ્થાન, મહારાષ્ટ્રમાં અમને અપેક્ષા કરતાં વિપરીત પરિણામ મળ્યું. વિરોધીઓને મારી સલાહ છે કે, વિરોધ પાર્ટીઓએ માત્ર વિરોધ ન કરવો જોઈએ. વિરોધ પક્ષ અને સરકાર સાથે મળીને કામ કરવું જોઈએ.

મરાઠા આંદોલન મુદ્દે આપ્યું નિવેદન:રાહુલ ગાંધીને સલાહ આપતા આઠવલેએ કહ્યું કે, રાહુલ ગાંધી વારંવાર વિરોધ પક્ષનાં જ નેતા બનતા રહે છે. દર વખતે હંગામો કરવો તેમના યોગ્ય નથી. પ્રધાનમંત્રી નરેન્દ્ર મોદી ખૂબ સારા વ્યક્તિ છે. તેમનું વિઝન સ્પષ્ટ છે, તેમનામાં ઝડપી નિર્ણય લેવાની ક્ષમતા છે. મોદીને હરાવવા સહેલા નથી. ઉપરાંત મરાઠા અનામત મુદ્દે તેમણે કહ્યું કે, મહારાષ્ટ્રમાં મરાઠા આંદોલન મુદ્દે લડત ચાલે છે, જે અંગે સરકારને અમે સલાહ આપી છે કે, દેશના બીજા રાજ્યોમાં બે કેટેગરી આપવામાં આવી છે. એટલે મરાઠા અને OBCને અનામત આપવું જોઇએ.