ભરૂચના ઈન્ટરવ્યૂ વીડિયોને ગૃહ રાજ્યમંત્રી હર્ષ સંઘવીએ સાધ્યું કોંગ્રેસ પર નિશાન, કહ્યું ગુજરાતના લોકોને બદનામ કરવાનો પ્રયાસ - Harsh Sanghvi gave a statement

અંકલેશ્વરની હોટેલ લોર્ડ્સ પ્લાઝા દ્વારા તારીખ 9 જૂલાઈના રોજ ભરતી માટે ઓપન ઈન્ટરવ્યું રાખવામાં આવ્યું હતું. જેને લઈને ઉમેદવારોની ભારે ભીડ લાગી હતી. અને તેનો વિડીયો વાઈરલ થયો હતો. જે બાદ કોંગ્રેસ નેતા રાહુલ ગાંધીએ ભરૂચની ઘટનાને લઈને કરેલા ટ્વિટ અંગે ગૃહ પ્રધાન હર્ષ સંઘવીએ આપ્યું નિવેદન આપ્યું હતું., Harsh Sanghvi gave a statement regarding Rahul Gandhi's tweet

સુરત: ભરૂચની ઝઘડીયા જી.આઈ.ડી.સી.ની થર્મેક્સ લિમિટેડ કંપની દ્વારા અંકલેશ્વરની હોટેલ લોર્ડ્સ પ્લાઝા ખાતે ગત તારીખ-9મી જુલાઇના રોજ કંપનીમાં જરૂરી વિવિધ પ્રકારની અનુભવ આધારીત જ્ગ્યાઓ માટે ઉમેદવારોની ભરતી કરવા માટે ઓપન ઇન્ટરવ્યૂ રાખવામા આવ્યું હતું. જેમાં મોટી સંખ્યામાં ઉમેદવારોએ ભીડ લગાવી હતી. જે અંગેનો વીડિયો વાઇરલ થતાં જ ચોતરફ બેરોજગારીના મુદ્દે ચર્ચાઓ જાગી હતી.

રાહુલ ગાંધીએ કરેલ ટ્વીટ (ETV Bharat Gujarat)

વાયરલ થયેલ વીડિયોને લઈને કોંગ્રેસના નેતા રાહુલ ગાંધીએ સોશિયલ મીડિયામાં વીડિયો અપલોડ કર્યો હતો. અને જણાવ્યું હતું કે "બેરોજગારી કી બીમારી, ભારત મે મહામારી કા રૂપ લે ચૂકી હે, ઓર ભાજપા શાસિત રાજ્ય ઇસ બીમારી કા એપિસેન્ટર બન ગયે હૈ" વધુમાં જણાવ્યું હતું કે એક આમ નોકરી કે લિએ કતારો મે ધક્કે ખાતા "'ભારત કા ભવિષ્ય' હિ નરેન્દ્ર મોદી કે અમૃતકાલ કી હકીકત હે"

ગૃહ પ્રધાન હર્ષ સંઘવી (ETV Bharat Gujarat)

હર્ષ સંઘવીનું નિવેદન: કોંગ્રસના નેતા રાહુલ ગાંધીએ ભાજપ સરકાર પર કરેલ નિવેદનને લઇને ભાજપ ચિંતામાં મુકાઇ ગયું હતું. ત્યારે આજરોજ રાજ્યના ગૃહ પ્રધાન હર્ષ સંઘવીએ આ મામલે નિવેદન આપ્યું હતું. અને જણાવ્યું હતું કે ગુજરાત અને ગુજરાતના લોકોને બદનામ કરવાનો પ્રયાસ થઇ રહ્યો છે. આજે સાંજ સુધીમાં તમામ પ્રકારની જિલ્લા કલેકટર અને અધિકારીઓ દ્વારા માહિતી આપવામાં આવશે. કેટલા લોકો ત્યાં આવ્યા હતા અને કેટલા લોકોના ઇન્ટરવ્યૂ થયા અને કેટલા લોકોને રોજગારી મળી એ માહિતી આપવામાં આવશે. આ રોજગારી મુદ્દે રાજનીતિ યોગ્ય નથી. ગુજરાતને બદનામ કરવાનો પ્રયાસ હંમેશા કોંગ્રેસ દ્વારા કરવામાં આવી રહ્યો છે.