અમદાવાદ :નવલી નવરાત્રીનો તહેવાર ચાલી રહ્યો છે, ત્યારે અમદાવાદ શહેરમાં વિવિધ જગ્યા પર વિવિધ થીમ આધારિત રાસ-ગરબાનું ભવ્ય આયોજન કરાયું છે. અમદાવાદમાં આવેલા એસ. કે. ફાર્મમાં પ્રભુ શ્રી રામની થીમ પર આધારિત ગરબાનું આયોજન કરવામાં આવ્યું છે.
રામ મંદિર થીમ પર ગરબા :એસ. કે. ફાર્મના માલિક અનિલસિંહે ETV Bharat સાથે વાત કરતા જણાવ્યું કે, " જેમ અયોધ્યામાં ભગવાન શ્રીરામનું અતિ ભવ્ય મંદિર બનાવવામાં આવ્યું, તેવી જ રીતે અમારી ટીમ 'હેશટેગ નવરાત્રી' દ્વારા આ વખતે અમદાવાદના એસ. કે. ફાર્મમાં પ્રભુ શ્રીરામ મંદિરની થીમ પર ગરબાનું આયોજન કરવામાં આવ્યું છે."
અમદાવાદમાં "રામ મંદિર" થીમ પર ગરબા (ETV Bharat Gujarat)
"મેં બહુ બધા આયોજનો જોયા અને બહુ બધી જગ્યાએ પરફોર્મ કર્યું, પરંતુ અહીં જે પ્રભુ શ્રીરામની થીમ પર આ ગરબાનું આયોજન કરવામાં આવ્યું છે, તે અકલ્પનીય છે." --દેવાંશી પંડ્યા (ગરબા સિંગર)