ગુજરાત

gujarat

ETV Bharat / sports

વેસ્ટ ઈન્ડિઝે T20 વર્લ્ડ કપ માટે ટીમની જાહેરાત કરી, જાણો કોણ કરશે કેપ્ટન્સી - T20 World Cup 2024 - T20 WORLD CUP 2024

યજમાન ટીમ વેસ્ટ ઈન્ડિઝે T20 વર્લ્ડ કપ 2024 માટે તેની 15 સભ્યોની ટીમની જાહેરાત કરી છે. વેસ્ટ ઈન્ડિઝની ટીમ ઘણી મજબુત દેખાઈ રહી છે. જોકે, આ વખતે વર્લ્ડ કપની યજમાની વેસ્ટ ઈન્ડિઝ કરી રહી છે.

Etv BharatT20 World Cup
Etv BharatT20 World Cup (Etv Bharatવેસ્ટ ઈન્ડિઝ ક્રિકેટ ટીમ (IANS PHOTOS))

By ETV Bharat Gujarati Team

Published : May 4, 2024, 1:57 PM IST

નવી દિલ્હી: યજમાન ટીમ વેસ્ટ ઈન્ડિઝે પણ T20 વર્લ્ડ કપ માટે ટીમની જાહેરાત કરી દીધી છે. વેસ્ટ ઈન્ડિઝે તેની 15 સભ્યોની ટીમમાં ઘણા અનુભવી ખેલાડીઓને તક આપી છે અને કેટલીક જગ્યાએ યુવા ખેલાડીઓને પણ ટીમમાં સામેલ કરવામાં આવ્યા છે. કેરેબિયન ટીમે 2 જૂનથી શરૂ થઈ રહેલા આ વર્લ્ડ કપ માટે રોમેન પોવેલને કેપ્ટન તરીકે નિયુક્ત કર્યા છે. આ દરમિયાન, અલઝારી જોસેફને ટીમના ઉપ-કેપ્ટન તરીકે નિયુક્ત કરવામાં આવ્યા છે.

વાઈસ કેપ્ટન તરીકે અલ્ઝારી જોસેફની પસંદગી: આ સિવાય શિમરોન હેટમાયર, જોન્સન ચાર્લ્સ, રોસ્ટન ચેઝ, જેસન હોલ્ડર શે હોપને પણ ટીમમાં સામેલ કરવામાં આવ્યા છે. શિમરન હેટમાયર હાલમાં IPLમાં રાજસ્થાન રોયલ્સ માટે રમી રહ્યો છે અને તેણે એક મેચમાં રાજસ્થાનને શાનદાર જીત અપાવી હતી. આ સિવાય વાઈસ કેપ્ટન અલ્ઝારી જોસેફ IPLમાં રોયલ ચેલેન્જર્સ બેંગ્લોર ટીમનો ભાગ છે. જ્યારે શોય હોપ દિલ્હી કેપિટલ્સ તરફથી રમી રહ્યો છે.

પુરન અને આન્દ્રે રસેલની વાપસી: વેસ્ટ ઈન્ડિઝે તાજેતરમાં ઓસ્ટ્રેલિયા સામે ટેસ્ટ મેચ જીતનાર યુવા બોલર શમર જોસેફને પણ પોતાની ટીમમાં સામેલ કર્યો છે. તે જ સમયે, લખનૌ તરફથી રમતા ડાબોડી બેટ્સમેન નિકોલસ પુરન અને કોલકાતાના ઓલરાઉન્ડર આન્દ્રે રસેલને પણ ટીમમાં સામેલ કરવામાં આવ્યા છે. રસેલે આ સિઝનમાં ઘણી વિસ્ફોટક ઈનિંગ્સ રમી છે અને તે વેસ્ટ ઈન્ડિઝ માટે મહત્વપૂર્ણ ઓલરાઉન્ડર છે.

ક્યારે શરુ થશેે T20 વર્લ્ડ કપ:તમને જણાવી દઈએ કે, 2 જૂનથી શરૂ થઈ રહેલા T20 વર્લ્ડ કપમાં વેસ્ટ ઈન્ડિઝ તેની પ્રથમ મેચ પાપુઆ ન્યૂ ગિની સામે અને બીજી મેચ 9 જૂને યુગાન્ડા સામે રમશે. જ્યારે ત્રીજી ગ્રુપ મેચ 13મી જૂને ન્યુઝીલેન્ડ સામે અને ચોથી ગ્રુપ મેચ 18મી જૂને અફઘાનિસ્તાન સામે રમાશે. કેરેબિયન ટીમ અત્યાર સુધીમાં બે વખત T20 વર્લ્ડ કપ ટ્રોફી જીતવામાં સફળ રહી છે.

વર્લ્ડ કપ માટે વેસ્ટ ઈન્ડિઝની ટીમ: રોવમેન પોવેલ (કેપ્ટન), અલ્ઝારી જોસેફ (વાઈસ-કેપ્ટન), આન્દ્રે રસેલ, જોન્સન ચાર્લ્સ, રોસ્ટન ચેઝ, જેસન હોલ્ડર, શે હોપ, શિમરોન હેટમાયર, અકીલ હોસેન, બ્રેન્ડન કિંગ, ગુડાકેશ મોતી, નિકોલસ પૂરન, શમર જોસેફ, શેરફેન રધરફોર્ડ, રોમારિયો શેફર્ડ

  1. T20 વર્લ્ડ કપ માટે ભારતીય ટીમની પસંદગી, જુઓ કોને લાગી લોટરી ? - T20 World Cup 2024

ABOUT THE AUTHOR

...view details