જ્યારે હિટમેને પ્રથમ બેવડી સદી ફટકારી ત્યારે એમ એસ ધોનીની આ વાતની કરી અવગણના...

રોહિત શર્માએ પોતાની પ્રથમ બેવડી સદી ફટકારતી વખતે એમએસ ધોનીના આ શબ્દોની અવગણના કરી હતી. વાંચો વધુ આગળ...

નવી દિલ્હીઃટીમ ઈન્ડિયાના વર્તમાન કેપ્ટન રોહિત શર્માએ વન ડે ઈન્ટરનેશનલમાં 3 બેવડી સદી ફટકારી છે. હિટમેને ઓસ્ટ્રેલિયા સામે પોતાની પ્રથમ બેવડી સદી ફટકારી હતી, જે મેચ વિશે રોહિતે એક રસપ્રદ વાત શેર કરી છે.

રોહિતે આ વાત 2020માં ભારતીય સ્પિનર ​​રવિચંદ્રન અશ્વિન સાથે ઈન્સ્ટાગ્રામ લાઈવ સેશન દરમિયાન કહી હતી. તેમણે કહ્યું કે મેચ દરમિયાન જ્યારે હું બેટિંગ કરી રહ્યો હતો ત્યારે મેં કેપ્ટન એમએસ ધોનીના શબ્દોની અવગણના કરી હતી.

ધોનીએ રોહિતને શું કહ્યું?

રોહિત શર્માએ નવેમ્બર 2013માં બેંગલુરુમાં ઓસ્ટ્રેલિયા સામે તેની પ્રથમ બેવડી સદી ફટકારી હતી. આ મેચમાં રોહિત અને શિખર ધવન ઓપનર તરીકે ક્રિઝ પર આવ્યા હતા. પરંતુ ધવન 60 રન બનાવીને આઉટ થયો હતો. તે પછી વિરાટ કોહલી (0), સુરેશ રૈના (28) અને યુવરાજ સિંહ (12) રન બનાવીને ઝડપથી પેવેલિયન પરત ફર્યા હતા. 34મી ઓવરમાં ભારતનો સ્કોર 4 વિકેટે 207 રન હતો.

જે બાદ ધોની છઠ્ઠા નંબર પર બેટિંગ કરવા આવ્યો હતો. તેણે રોહિતને સાવધાનીથી અને ઇનિંગ્સના અંત સુધી રમવાની સલાહ આપી અને તેને પોતે જોખમ ઉઠાવવા કહ્યું. પરંતુ રોહિતે આ સલાહની અવગણના કરી અને ઓસ્ટ્રેલિયન બોલરો પર હુમલો કરવાનું બંધ ન કર્યું. ઈન્સ્ટા લાઈવ સેશન દરમિયાન રોહિતે એમ પણ કહ્યું કે, "પાર્ટનરશિપ દરમિયાન, તે (ધોની) મારી સાથે વાત કરતા હતા અને ચર્ચા કરતાં હતા કે તમે સેટ બેટ્સમેન છો, તમારે 50મી ઓવર સુધી બેટિંગ કરવાની છે' પરંતુ હું મોટા શોટ્સ માટે જોખમ ઉઠાવીશ. "

રોહિતની શાનદાર ઇનિંગ:

આ મેચમાં રોહિતે 158 બોલમાં 209 રન બનાવ્યા હતા. જેમાં 12 ચોગ્ગા અને 16 છગ્ગાનો સમાવેશ થાય છે. બીજી તરફ ધોનીએ 38 બોલમાં 62 રન બનાવ્યા, જેના કારણે ભારતે 383 રનનો વિશાળ સ્કોર બનાવ્યો. ઓસ્ટ્રેલિયા 326 રને સિમિત રહેતા ભારત આ મેચ 57 રને જીતવામાં સફળ રહ્યું હતું.

રોહિતની બેવડી સદી:

રોહિત શર્માએ વનડેમાં અત્યાર સુધીમાં ત્રણ બેવડી સદી ફટકારી છે અને આ તમામ બેવડી સદી ભારતમાં આવી છે. તેણે તેની બીજી બેવડી સદી નવેમ્બર 2014માં શ્રીલંકા સામે કોલકાતામાં ફટકારી હતી. આ મેચમાં તેણે 173 બોલમાં 264 રન બનાવીને ODIમાં સૌથી વધુ વ્યક્તિગત સ્કોરનો રેકોર્ડ બનાવ્યો હતો. તેણે ડિસેમ્બર 2017માં શ્રીલંકા સામે તેની ત્રીજી બેવડી સદી ફટકારી હતી. જ્યારે તેણે મોહાલીમાં 153 બોલમાં 208* રન બનાવ્યા હતા.

રોહિત ODI વર્લ્ડ કપના ઈતિહાસમાં સૌથી વધુ રન બનાવનારની યાદીમાં ચોથા સ્થાને છે. 2023 ODI વર્લ્ડ કપમાં, કેપ્ટન તરીકે, તેણે ટીમ ઈન્ડિયાને ફાઇનલમાં પહોંચાડ્યું, પરંતુ ફાઇનલ જીતી શક્યું નહી અને ટ્રોફી હાથમાંથી નીકળી ગઈ.

આ પણ વાંચો: