નવી દિલ્હીઃ ટીમ ઈન્ડિયાના વિકેટકીપર અને સ્ટાર બેટ્સમેન કેએલ રાહુલ અચાનક સોશિયલ મીડિયા પર ચર્ચાનું કેન્દ્ર બની ગયા છે. તેણે તેના ઈન્સ્ટાગ્રામ એકાઉન્ટ પર એક સ્ટોરી શેર કરી હતી, જેમાં લખ્યું હતું કે તેને એક વાત સૌને જણાવવી છે. આ પછી, તમામ સોશિયલ મીડિયા પ્લેટફોર્મ પર ચર્ચા થવા લાગી કે, રાહુલે આંતરરાષ્ટ્રીય ક્રિકેટમાંથી નિવૃત્તિની જાહેરાત કરી દીધી છે. આ સમગ્ર ચર્ચામાં કેટલું સત્ય છે?
પોસ્ટનું સત્ય શું છે?
કેએલ રાહુલની નિવૃત્તિને લઈને સોશિયલ મીડિયા પર આગની જેમ ફેલાઈ રહેલી એક પોસ્ટમાં કહેવામાં આવ્યું છે કે, 'ઘણી વિચારણા કર્યા પછી મેં પ્રોફેશનલ ક્રિકેટમાંથી નિવૃત્તિ લેવાનો નિર્ણય કર્યો છે. આ નિર્ણય સરળ ન હતો, કારણ કે રમતગમત ઘણા વર્ષોથી મારા જીવનનો મહત્વપૂર્ણ ભાગ છે."
આ પોસ્ટ અનુસાર, 'મારી કારકિર્દી દરમિયાન મારા પરિવાર, મિત્રો, સાથી ખેલાડીઓ અને પ્રશંસકો તરફથી મને મળેલા સમર્થન અને પ્રોત્સાહન માટે હું ખૂબ જ આભારી છું. મેં મેદાન પર અને મેદાનની બહાર જે અનુભવો અને યાદો મેળવ્યા છે તે ખરેખર અમૂલ્ય છે. મને મારા દેશનું પ્રતિનિધિત્વ કરવાનું અને આવી પ્રતિભાશાળી વ્યક્તિઓ સાથે રમવાનું સન્માન મળ્યું છે.
પોસ્ટમાં આગળ લખવામાં આવ્યું છે કે, 'જ્યારે હું ભવિષ્યના નવા અધ્યાય વિશે ઉત્સાહિત છું, ત્યારે હું હંમેશા રમતમાં મારા સમયની પ્રશંસા કરીશ. આ અતુલ્ય પ્રવાસનો ભાગ બનવા બદલ આપ સૌનો આભાર.
રાહુલની નિવૃત્તિની નકલી પોસ્ટ:
કેએલ રાહુલની ક્રિકેટમાંથી નિવૃત્તિ લેવા અંગેની સોશિયલ મીડિયા પર વાયરલ થયેલી પોસ્ટ સંપૂર્ણપણે નકલી છે. આ પોસ્ટ ક્રિકેટરના ભવિષ્યના નવા અધ્યાય વિશે ખૂબ જ ઉત્સાહિત હોવાની અને ક્રિકેટમાં વિતાવેલા સમયને વળગી રહેવાની વાત કરે છે. સોશિયલ મીડિયા પર ફેલાયેલી આ પોસ્ટ ફેક છે. રાહુલે ક્રિકેટમાંથી નિવૃત્તિ અંગે કોઈ જાહેરાત કરી નથી.
કેએલ રાહુલ કરશે 'મોટી જાહેરાત':
સોશિયલ મીડિયા પર કેએલ રાહુલની નિવૃત્તિના ફેક ન્યૂઝ ફરતા હોવા છતાં. પરંતુ, ક્રિકેટરે ખુદ ઈન્સ્ટાગ્રામ પર એક મોટી જાહેરાત કરી છે. તેણે તેની તાજેતરની ઇન્સ્ટાગ્રામ સ્ટોરીમાં લખ્યું, 'હું ખૂબ જલ્દી એક જાહેરાત કરીશ, જોડાયેલ રહો..'
કેએલ રાહુલની ઈન્સ્ટાગ્રામ સ્ટોરી ((KL Rahul Instagram)) દુલીપ ટ્રોફીમાં રમતા જોવા મળશે:
તમને જણાવી દઈએ કે, કેએલ રાહુલ હાલમાં જ શ્રીલંકા સામેની સીરિઝમાં T20 વર્લ્ડ ટીમમાં જગ્યા મળી ના હતી. જોકે જમણા હાથનો આ બેટ્સમેન ઓછા સ્કોર સાથે બેટથી પ્રભાવિત કરવામાં નિષ્ફળ રહ્યો હતો. રાહુલ માત્ર 32 વર્ષનો છે, ઘણા લોકો માને છે કે તેની પાસે હજુ ઘણું સમય ક્રિકેટ રમવાનો છે. બાંગ્લાદેશ સામેની શ્રેણી પહેલા, કેએલ રાહુલ આગામી દીલીપ ટ્રોફી 2024માં એક્શનમાં જોવા મળશે, જે 5 સપ્ટેમ્બરથી શરૂ થવા જઈ રહી છે.
- 'યુરોપમાં કબડ્ડી રજૂ કરીને મને ગર્વ થાય છે' PM મોદીએ પોલેન્ડમાં કબડ્ડી ફેડરેશનના પ્રમુખ સાથે કરી મુલાકાત… - Pm Modi On Kabaddi In Poland
- ગોલ્ડન બોય નીરજે ડાયમંડ લીગમાં બનાવ્યો રેકોર્ડ, સિઝનનો સર્વશ્રેષ્ઠ થ્રો કરી ફાઈનલ માટે ક્વોલિફાઈ - Lausanne Diamond League 2024
