નવી દિલ્હી: આંતરરાષ્ટ્રીય ઓલિમ્પિક સમિતિ (IOC) ને પત્ર દ્વારા 2036 ઓલિમ્પિકનું આયોજન કરવામાં રસ દર્શાવ્યા બાદ, ભારત વિશ્વની સૌથી મોટી રમતગમતની ઇવેન્ટનું આયોજન કરવા માટે તૈયારી કરી રહ્યું છે. જો ભારત 2036 ઓલિમ્પિકનું આયોજન કરવા માટે બિડ જીતી જાય છે, તો તે દેશ માટે એક ઐતિહાસિક ક્ષણ હશે કારણ કે, ભારત પ્રથમ વખત ઓલિમ્પિક રમતોનું આયોજન કરશે.
અમદાવાદમાં સૌથી વધુ રમત મેદાન:
આમ, રમતગમત મંત્રાલય આ કાર્યક્રમનું આયોજન કરવાના પ્રસ્તાવ અંગે ભારત સરકાર સાથે વાતચીત કરી રહ્યું છે. ઇન્ડિયન એક્સપ્રેસના એક અહેવાલ મુજબ, કુશળતા અને માળખાગત સુવિધાઓના આધારે વિવિધ થીમ્સનું આયોજન કરવા માટે ઘણા શહેરોનો પ્રસ્તાવ મૂકવામાં આવી રહ્યો છે, પરંતુ અમદાવાદ આ કાર્યક્રમનું આયોજન કરવાની યોજનાઓનું કેન્દ્રબિંદુ પર છે. ઉલ્લેખનીય છે કે, IOC એ 2014 માં ઘણા શહેરોમાં ઓલિમ્પિકનું આયોજન કરવાના પ્રસ્તાવને મંજૂરી આપી દીધી છે.
6 હજાર કરોડના પ્રોજેક્ટ્સનું આયોજન:
હોકી ભુવનેશ્વરમાં, રોઇંગ ભોપાલમાં, કેનોઇંગ અને કાયાકિંગ પુણેમાં જ્યારે ક્રિકેટ મેચો મુંબઈમાં યોજાશે. અહેવાલમાં વધુમાં જણાવાયું છે કે, અમદાવાદમાં 6,000 કરોડ રૂપિયાથી વધુના રમતગમતના માળખાગત પ્રોજેક્ટ્સનું આયોજન કરવામાં આવ્યું છે કારણ કે શહેર ગેમ્સ માટે મોટી બોલી લગાવવાની યોજના ધરાવે છે.
મુખ્ય વિકાસમાંનો એક નારણપુરા સ્પોર્ટ્સ કોમ્પ્લેક્સ છે જે 20.39 એકરમાં ફેલાયેલો છે. આ સ્થળનો અંદાજિત ખર્ચ રૂ. ૬૩૧.૭૭ કરોડ છે અને તે માર્ચ સુધીમાં પૂર્ણ થવાનો છે. આ સ્થળમાં સ્વિમિંગ પૂલ, બાસ્કેટબોલ અને વોલીબોલ કોર્ટ, જિમ્નાસ્ટિક્સ હોલ અને બેડમિન્ટન કોર્ટનો સમાવેશ થશે.
સરદાર વલ્લભભાઈ પટેલ (SVP) સ્પોર્ટ્સ એન્ક્લેવ અને કરાઈ સ્પોર્ટ્સ હબ આ ઇવેન્ટ માટે બે અન્ય મહત્વપૂર્ણ ઓલિમ્પિક હબ છે. SVP માં ટેનિસ, એક્વેટિક્સ અને અન્ય રમતો હશે, જ્યારે કરાઈ માં 35,000 ક્ષમતા વાળું એથ્લેટિક્સ સ્ટેડિયમ અને શૂટિંગ સુવિધાઓ હશે.
આ પણ વાંચો:
- "હિન્દી રાષ્ટ્રભાષા નથી, પણ…" ક્રિકેટર આર અશ્વિનનું આપ્યું વિવાદસ્પદ નિવેદન, જુઓ વિડીયો
- ટુંક જ સમયમાં શરૂ થશે રાજકોટમાં ખરાખરીનો જંગ, ભારત - આયર્લેન્ડ વચ્ચે પ્રથમ વનડે મેચ અહીં જુઓ લાઈવ
