મલેશિયા: ભારતીય મહિલાઓ ક્રિકેટ ટીમે રવિવારે અંડર-19 એશિયા કપની ફાઇનલમાં બાંગ્લાદેશને હરાવીને ટાઈટલ જીત્યું છે. આ સાથે ભારતીય મહિલાઓએ અંડર-19 એશિયા કપની ફાઇનલમાં બાંગ્લાદેશના હાથે થોડા દિવસ પહેલા ભારતીય પુરુષ ટીમને મળેલી હારનો બદલો પણ લઈ લીધો છે. ભારતે આ મેચ 40 રને જીતી લીધી હતી.
મહિલા ટીમે પુરુષોની હારનો બદલો લીધો:
ભારતીય મહિલા ક્રિકેટ ટીમે રવિવારે બાંગ્લાદેશને 41 રને હરાવીને અંડર-19 એશિયા કપનો ખિતાબ જીત્યો હતો. આ સાથે ભારતીય મહિલાઓએ પુરૂષોની અંડર-19 ફાઈનલમાં બાંગ્લાદેશના હાથે ભારતની હારનો બદલો પણ લઈ લીધો છે. કુઆલાલંપુરમાં રમાયેલી ટાઈટલ મેચમાં ભારતીય મહિલાઓએ પ્રથમ બેટિંગ કરતા સાત વિકેટ ગુમાવીને માત્ર 117 રન બનાવ્યા હતા. આ સ્કોર સામે બાંગ્લાદેશની ટીમ 18.3 ઓવરમાં 76 રનમાં સમેટાઈ ગઈ હતી.
ગોંગડી ત્રિશાની શાનદાર અડધી સદી:
ફાઈનલમાં ભારતીય ટીમની બેટિંગ વધુ ટકી ન હતી. ઓપનર ગોંગડી ત્રિશાની અડધી સદીના આધારે ટીમે 100નો આંકડો પાર કર્યો હતો. 47 બોલનો સામનો કરીને તેણે પાંચ ચોગ્ગા અને બે છગ્ગાની મદદથી 52 રન બનાવ્યા હતા. બીજી ઓપનિંગ બેટ્સમેન જી કમલિનીએ માત્ર પાંચ રન બનાવ્યા હતા. સાનિકા ચાલકે ખાતું પણ ખોલાવી શકી નથી. કેપ્ટન નિક્કી પ્રસાદે 21 બોલમાં 12 રન બનાવ્યા હતા. ઇશ્વરી અવસરે માત્ર પાંચ રન બનાવી શકી હતી.
નીચલા ઓર્ડરે પણ નિરાશ કર્યા. મિતાલી વિનોદને થોડી આશા હતી, પરંતુ તે પોતાની ઇનિંગ્સને 17 રનથી આગળ લઈ શકી નહોતી. આયુષી શુક્લા 13 બોલમાં માત્ર 10 રન બનાવી શકી હતી. તેણે પોતાની ઇનિંગમાં એક ચોગ્ગો માર્યો હતો. વીજે જોશીતા માત્ર બે રન બનાવ્યા બાદ અણનમ રહ્યા હતા અને શબનમ શકીલ ચાર રન બનાવીને અણનમ રહ્યા હતા. બાંગ્લાદેશ તરફથી ફરઝાના ઈસ્મીને ચાર, નિશિતા અખ્તરે બે અને હબીબા ઈસ્લામે એક વિકેટ લીધી હતી.
ભારતીય બોલરોએ પોતાનું કામ કર્યું:
બાંગ્લાદેશને જીતવા માટે માત્ર 118 રનની જરૂર હતી. એવું લાગતું હતું કે બાંગ્લાદેશ આ મેચ આસાનીથી જીતી જશે અને પુરૂષ ટીમ બાદ મહિલા ટીમના સપના પણ ચકનાચૂર થઈ જશે, પરંતુ ભારતીય બોલરોએ આખી વાત બદલી નાખી. ટીમે બાંગ્લાદેશના બેટ્સમેનોને સતત પેવેલિયન મોકલીને જીત મેળવી હતી. બાંગ્લાદેશ તરફથી જુરિયા ફિરદૌસે સૌથી વધુ 22 રન બનાવ્યા હતા. તેણે 30 બોલનો સામનો કર્યો અને ત્રણ ચોગ્ગા ફટકાર્યા. ઓપનર ફાહોમિદા ચોયાએ 18 રનની ઇનિંગ રમી હતી. અન્ય કોઈ બેટ્સમેન બે અંક સુધી પહોંચી શક્યો નહોતો.
આ પણ વાંચો:
- વડોદરાના આંતરરાષ્ટ્રીય ક્રિકેટ સ્ટેડિયમમાં ભારત - વેસ્ટ ઈન્ડિઝની ટક્કર, જાણો મેચનો સમય અને લાઈવ પ્રસારણ…
- વડોદરાના કોટંબી ગ્રાઉન્ડ ખાતે પ્રથમ વનડે ઇન્ટરનેશનલ મેચ, ચાહકો ભારે ઉત્સાહ સાથે પહોંચ્યા સ્ટેડિયમમાં
