સિડની (ઓસ્ટ્રેલિયા): ભારત અને ઓસ્ટ્રેલિયા વચ્ચે સિડની ક્રિકેટ ગ્રાઉન્ડ પર રમાઈ રહેલી 5મી ટેસ્ટમાં ભારતનો પ્રથમ દાવ 185 રનના સ્કોર પર સમેટાઈ ગયો હતો. બોર્ડર-ગાવસ્કર શ્રેણીમાં ફરી એકવાર ભારતના ટોપ-4 બેટ્સમેનોનું ખરાબ પ્રદર્શન જોવા મળ્યું છે. યશસ્વી જયસ્વાલ, કેએલ રાહુલ, શુભમન ગિલ અને વિરાટ કોહલીમાંથી કોઈ પણ બેટ્સમેન આ પિંક ટેસ્ટમાં મોટી ઇનિંગ્સ રમવામાં નિષ્ફળ રહ્યો છે.
પ્રથમ દિવસની રમત સમાપ્ત, ઓસ્ટ્રેલિયાનો સ્કોર (9/1)
સિડની ટેસ્ટના પ્રથમ દિવસની રમતના અંત સુધીમાં ઓસ્ટ્રેલિયાએ 1 વિકેટના નુકસાને 9 રન બનાવી લીધા હતા. તે હજુ પણ ભારતથી 176 રન પાછળ છે. દિવસની છેલ્લી ઓવરમાં મેદાન પર મોટો ડ્રામા જોવા મળ્યો હતો. સેમ કોસ્ટાસ અને જસપ્રિત બુમરાહ વચ્ચે ઉગ્ર બોલાચાલી થઈ હતી. જે બાદ બુમરાહે ઉસ્માન ખ્વાજા (2)ને સ્લિપમાં આઉટ કર્યો અને પછી જોરશોરથી ઉજવણી કરી.
- 40 runs by Pant.
— Johns. (@CricCrazyJohns) January 3, 2025
- 26 runs by Jadeja.
- 22 runs by Bumrah.
VALUABLE RUNS FOR INDIA IN THE CONTEXT OF THE SERIES 🇮🇳 pic.twitter.com/IS2PY5sQX2
ભારતની પ્રથમ ટીમ 185 રનમાં જ ઓલઆઉટ:
રોહિત શર્માએ સિડની ટેસ્ટમાં પોતાને પ્લેઇંગ-11માંથી બહાર રાખવાનો નિર્ણય કર્યો હતો. જસપ્રીત બુમરાહે ટીમ ઈન્ડિયાની કમાન સંભાળી અને ટોસ જીત્યા બાદ પ્રથમ બેટિંગ કરવાનો નિર્ણય કર્યો. પરંતુ, બેટિંગ યુનિટે ફરી એકવાર નિરાશ કર્યું અને આખી ટીમ પ્રથમ દાવમાં 185 રનના સ્કોર પર જ સિમિત રહી. બેટ્સમેનોના આ ખરાબ પ્રદર્શનને કારણે ફરી એકવાર બોલરો પર સિરીઝમાં મેચ બચાવવાનું દબાણ આવી ગયું છે.
CAPTAIN JASPRIT BUMRAH AT SCG 🐐 pic.twitter.com/AYgMr5vd6v
— Johns. (@CricCrazyJohns) January 3, 2025
ભારતના ટોપ-4 બેટ્સમેનો ફ્લોપ રહ્યા:
પ્રથમ બેટિંગ કરતા ભારતની ઓપનિંગ જોડી યશસ્વી જયસ્વાલ અને કેએલ રાહુલ બેટિંગ કરવા મેદાનમાં આવી હતી. ચાહકોને આ બંને પાસેથી સારી શરૂઆતની આશા હતી. પરંતુ, મિશેલ સ્ટાર્કે કેએલ રાહુલ (4)ને સેમ કોન્સ્ટાસના હાથે કેચ આઉટ કરાવીને ભારતને પહેલો ઝટકો આપ્યો હતો. યશસ્વી જયસ્વાલ પણ વધુ સમય ટકી શક્યો ન હતો અને 10 રનના અંગત સ્કોર પર સ્કોટ બોલેન્ડનો શિકાર બન્યો હતો.
આ બંનેના આઉટ થયા બાદ વિરાટ કોહલી અને શુભમન ગિલ વચ્ચે સારી ભાગીદારી ખીલી હતી. પરંતુ, લંચ પહેલા માત્ર એક બોલે, અનુભવી સ્પિનર નાથન લિયોને ગિલ (20)ને સ્લિપમાં સ્ટીવ સ્મિથના હાથે કેચ કરાવ્યો અને લંચ સુધી ભારતના સ્કોર (57/3)માં વધારો કર્યો.
A six so big the ground staff needed a ladder to retrieve it!#AUSvIND pic.twitter.com/oLUSw196l3
— cricket.com.au (@cricketcomau) January 3, 2025
વિરાટ કોહલી એ જ રીતે જ આઉટ થયો:
ભારતના જમણા હાથના સ્ટાર બેટ્સમેન વિરાટ કોહલીએ ફરી એકવાર ઓફ સ્ટમ્પની લાઇનની બહાર જતા બોલનો પીછો કર્યો. સ્કોટ બોલેન્ડે તેને 17 રનના અંગત સ્કોર પર ત્રીજી સ્લિપમાં બેઉ વેબસ્ટરના હાથે કેચ કરાવ્યો હતો. તે આ શ્રેણીમાં સતત 7મી વખત આ રીતે બહાર થયો છે.
રિષભ પંત સૌથી વધુ સ્કોરર રહ્યો હતો
ભારત તરફથી ડાબોડી વિકેટકીપર-બેટ્સમેન રિષભ પંતે સૌથી વધુ સ્કોર બનાવ્યો હતો. જેણે 98 બોલમાં 40 રનની લડાયક ઇનિંગ રમી હતી. આ ઇનિંગમાં તેણે 3 ફોર અને 1 સિક્સર ફટકારી હતી. રવિન્દ્ર જાડેજાએ પણ 26 રનનું યોગદાન આપ્યું હતું. ભારતની નબળી બેટિંગનો અંદાજ એ વાત પરથી લગાવી શકાય છે કે 4 ખેલાડીઓ ડબલ ફિગર પણ ફટકારી શક્યા નથી.
That's Lunch on Day 1 of the 5th Test.
— BCCI (@BCCI) January 3, 2025
India 57/3
Scorecard - https://t.co/NFmndHLfxu… #AUSvIND pic.twitter.com/c3V8T8T8rc
જસપ્રીત બુમરાહે તોફાની 22 રન બનાવ્યા:
ભારતીય કેપ્ટન જસપ્રિત બુમરાહે પોતાના બેટથી પોતાનો જાદુ બતાવ્યો અને 22 રનની શાનદાર ઇનિંગ રમીને ભારતના સ્કોરને 150ની પાર પહોંચાડી દીધો. બુમરાહે 17 બોલમાં 3 ચોગ્ગા અને 1 છગ્ગાની મદદથી ઝડપી 22 રન બનાવ્યા હતા.
સ્કોટ બોલેન્ડે 5 વિકેટ લીધી:
ઓસ્ટ્રેલિયા તરફથી સૌથી સફળ બોલર સ્કોટ બોલેન્ડે 5 વિકેટ લીધી હતી. આ સાથે તે 1975 પછી 50 ટેસ્ટ વિકેટ લેનારો સૌથી વૃદ્ધ ઝડપી બોલર બની ગયો છે. આ સિવાય મિચેલ સ્ટાર્કને પણ 3 સફળતા મળી છે. કેપ્ટન પેટ કમિન્સને પણ 2 સફળતા મળી.
આ પણ વાંચો:
