હૈદરાબાદ:બાંગ્લાદેશ ક્રિકેટ ટીમે તસ્કીન અહેમદની ઉત્તમ બોલિંગના આધારે વેસ્ટ ઈન્ડિઝ સામેની બીજી T20I મેચ જીતી અને શ્રેણીમાં 2-0ની અજેય સરસાઈ મેળવી. બાંગ્લાદેશે યજમાન વેસ્ટ ઈન્ડિઝને 27 રને હરાવીને સતત બીજી T20 મેચ જીતી લીધી છે. 'મેન ઓફ ધ મેચ' શમીમ હુસૈનની 17 બોલમાં 35 રનની અણનમ ઇનિંગની મદદથી બાંગ્લાદેશે સાત વિકેટના નુકસાને 129 રન બનાવ્યા હતા. મેહદી હસન મિરાજે પણ 26 રનનું યોગદાન આપ્યું હતું. સ્પિનર ગુડાકેશ મોતીએ 25 રનમાં 2 વિકેટ લીધી હતી.
વરસાદે મેચમાં વિક્ષેપ પાડ્યોઃ
વરસાદને કારણે બાંગ્લાદેશની ઇનિંગ્સ બે વખત વિક્ષેપિત થઈ હતી પરંતુ ઓવરોમાં કોઈ ઘટાડો થયો ન હતો. જવાબમાં વેસ્ટ ઈન્ડિઝે તસ્કીન (16 રનમાં ત્રણ વિકેટ), રિશાદ હુસૈન (12 રનમાં બે વિકેટ), મેહિદી હસન (20 રનમાં બે વિકેટ) અને તનઝીમ હસન શાકિબ (22 રનમાં બે વિકેટ)ની શાનદાર બોલિંગનો સામનો કર્યો હતો. 18.3 ઓવરમાં 102 રન બનાવ્યા હતા. હોમ ટીમ માટે રોસ્ટન ચેઝે સૌથી વધુ 32 રન બનાવ્યા હતા જ્યારે અકીલ હુસૈને 31 રન બનાવ્યા હતા.
બાંગ્લાદેશના આ બેટ્સમેનોએ મેચ જીતાડી:
બીજી T20 મેચમાં વેસ્ટ ઈન્ડિઝે ટોસ જીતીને બાંગ્લાદેશને પ્રથમ બેટિંગ માટે આમંત્રણ આપ્યું હતું. બાંગ્લાદેશની ઇનિંગ્સની શરૂઆત ખૂબ જ ખરાબ રહી હતી. લિટન દાસ અને સૌમ્ય સરકારની ઓપનિંગ જોડી સસ્તામાં પેવેલિયન પરત ફરી હતી. લિટન દાસે 3 અને સૌમ્યા સરકારે 11 રન બનાવ્યા હતા. તંજીદ હસન 2 રન બનાવી શક્યો હતો. બાંગ્લાદેશે 39 રનમાં 3 વિકેટ ગુમાવી દીધી હતી. આ પછી મેહદી હસન મિરાજ અને ઝાકિર અલીએ ક્રિઝ પર પોતાનો પગ જમાવવાનો પ્રયાસ કર્યો પરંતુ તેઓ લાંબા સમય સુધી એકબીજાને સાથ આપી શક્યા નહીં. વિકેટ પડવાની પ્રક્રિયા હજુ ચાલુ હતી. જોકે અંતે બેટ્સમેન શમીમ હુસૈન 35 રનની અણનમ ઇનિંગ રમીને ટીમને 129 રન સુધી લઈ જવામાં સફળ રહ્યો હતો.
વેસ્ટ ઈન્ડિઝના બેટ્સમેનોનું નિરાશાજનક પ્રદર્શનઃ
બાંગ્લાદેશના સ્કોરનો પીછો કરવા આવેલી વેસ્ટ ઈન્ડિઝની ટીમની બેટિંગ ઘણી નબળી જોવા મળી હતી. ત્રણ બેટ્સમેનોને બાદ કરતાં કોઈ ડબલ ફિગર સુધી પહોંચી શક્યું ન હતું. વેસ્ટ ઈન્ડિઝ તરફથી રોસ્ટન ચેઝે સૌથી વધુ 32 રન બનાવ્યા હતા. વેસ્ટ ઈન્ડિઝની ટીમ પૂરી 20 ઓવર પણ રમી શકી ન હતી અને 18.3 ઓવરમાં માત્ર 102 રન બનાવીને આઉટ થઈ ગઈ હતી. આમ વેસ્ટ ઈન્ડિઝને શ્રેણીમાં કારમી હારનો સામનો કરવો પડ્યો હતો.
આ પણ વાંચો:
- ખો ખો વર્લ્ડ કપ 2025: ભારત-પાકિસ્તાન ફાઇનલ મેચની તારીખ જાહેર, જાણો ક્યાં અને ક્યારે થશે આ રોમાંચક મેચ?
- 2036 ઓલમ્પિકની તૈયારીઓ શરૂ…જૂનાગઢમાં સિદ્દી ખેલાડી માટે ટ્રેનીગ કેમ્પનું આયોજન
