સુશાંત સિંહ રાજપૂતની ચોથી પુણ્યતિથિ પર, અંકિતા લોખંડે અને સારા અલી ખાનને આવી યાદ - SUSHANT SINGH DEATH ANNIVERSARY

સુશાંત સિંહ રાજપૂતની ચોથી પુણ્યતિથિ પર સારા અલી ખાને અભિનેતા સાથે એક તસવીર શેર કરીને તેને યાદ કર્યો છે.

હૈદરાબાદ:આજે 14 જૂને સુશાંત સિંહ રાજપૂતની ચોથી પુણ્યતિથિ છે. મુંબઈ પોલીસના જણાવ્યા અનુસાર, અભિનેતાએ 14 જૂન, 2020 ના રોજ પોતાના મુંબઈના ઘરમાં આત્મહત્યા કરી હતી. સુશાંતના મૃત્યુના સમાચારે સમગ્ર દેશને આંચકો આપ્યો હતો અને અભિનેતાના ચાહકો માટે એક મોટો આઘાત હતો. હવે સુશાંત સિંહ રાજપૂતની ચોથી પુણ્યતિથિ પર તેના ચાહકો, સંબંધીઓ અને સેલેબ્સ તેમને શ્રદ્ધાંજલિ આપી રહ્યા છે. આ અવસર પર સુશાંત સિંહ રાજપૂતની કો-એક્ટ્રેસ સારા અલી ખાન અને એક્સ ગર્લફ્રેન્ડ અંકિતા લોખંડેએ તેમને યાદ કર્યા છે.

સારા અલી ખાનને આવીસુશાંતની યાદ:સારા અલી ખાને સુશાંત સિંહ રાજપૂતની યાદમાં સોશિયલ મીડિયા પર એક પોસ્ટ શેર કરી છે. સારા અલી ખાને આ પોસ્ટમાં શેર કરેલી તસવીરમાં તે સુશાંત સિંહ રાજપૂત સાથે જોવા મળી રહી છે. આ તસવીર કેદારનાથ ફિલ્મની છે અને તસવીરમાં દેખાતા બંને કેદારનાથ મંદિરમાં જોવા મળી રહ્યાં છે. આ તસવીરમાં સારાએ સુશાંત પાસે રહેલી રોઝરી, ગ્લોબ, ગેલેક્સી, કેમેરા અને દૂરબીન જેવી તમામ વસ્તુઓના ઈમોજીસ ઉમેર્યા હતા. આ સાથે ફિલ્મ કેદારનાથનું એક પોસ્ટર પણ શેર કરવામાં આવ્યું છે.

અંકિતા લોખંડેએ સુશાંતને કર્યો યાદ:તે જ સમયે, સુશાંત સિંહ રાજપૂતની એક્સ ગર્લફ્રેન્ડ અંકિતા લોખંડેએ સુશાંત સિંહ રાજપૂતની યાદમાં એક તસવીર શેર કરી છે, જેમાં અભિનેતા એક કૂતરા સાથે ઉભો છે. અંકિતા લોખંડેએ આ તસવીર સાથે કોઈ કેપ્શન આપ્યું નથી.