મુંબઈઃબોલીવુડની ખુબસુરત કપલ પુલકિત સમ્રાટ અને કૃતિ ખરબંદા લાંબા સંબંધો પછી લગ્ન કરવા જઈ રહ્યા છે. 'વીરે કી વેડિંગ' કપલ આ અઠવાડિયે સાત ફેરા લેવા જઈ રહ્યું છે. અહેવાલ છે કે, આ કપલ દિલ્હી, NCR ખાતે ITC ગ્રાન્ડ ભારત ખાતે પરિવાર અને મિત્રોની હાજરીમાં લગ્ન કરશે. આ દરમિયાન લગ્ન સાથે જોડાયેલી કેટલીક માહિતી સામે આવી છે, જેમાં કપલના લગ્નની તારીખ કન્ફર્મ થઈ ગઈ છે.
લગ્નની વિધિઓ આજથી શરુ: મીડિયા રિપોર્ટ્સ અનુસાર, પુલકિત અને કૃતિ 15 માર્ચે દિલ્હીમાં LEED પ્લેટિનમ ઓલ સ્યુટ લક્ઝરી રિટ્રીટ ITC Grand Bharat ખાતે લગ્ન કરશે. લગ્નની વિધિઓ પણ આજથી એટલે કે 13મી માર્ચથી શરૂ થશે. જો અહેવાલો પર વિશ્વાસ કરવામાં આવે તો, લગ્નની ઉજવણી આજે, બુધવારે, મહેંદી સેરેમની સાથે શરૂ થશે, જે 15 માર્ચ સુધી ચાલશે.
14મી માર્ચે હલ્દી સેરેમની યોજાશે:રિપોર્ટ અનુસાર, પુલકિત અને કૃતિની મહેંદી સેરેમની 13 માર્ચે થશે. જ્યારે 14મી માર્ચે હલ્દી સેરેમની યોજાશે. હલ્દી પછી, દંપતી પરિવાર અને મિત્રો સાથે કોકટેલ પાર્ટી કરશે અને તેમના મોટા દિવસની ઉજવણી કરશે. 2 દિવસના ભવ્ય સમારોહ પછી, કૃતિ ખરબંદા આખરે 15 માર્ચે પુલકિત સમ્રાટની બની જશે.
બંનેની પહેલી મુલાકાત ક્યારે થઈ?:પુલકિત સમ્રાટ અને કૃતિ ખરબંદા લગ્ન માટે મુંબઈથી નીકળીને દિલ્હી પહોંચી ગયા છે. ગયા સોમવારે વરરાજા દિલ્હી એરપોર્ટ પર સફેદ શર્ટ અને બ્રાઉન પેન્ટમાં જોવા મળ્યો હતો જ્યારે મંગળવારે પુલકિતની દુલ્હન પણ દિલ્હી જવા માટે મુંબઈ એરપોર્ટ પર જોવા મળી હતી. આ દરમિયાન કૃતિ શરમાતી કેમેરામાં કેદ થઈ હતી. તમને જણાવી દઈએ કે બંનેની પહેલી મુલાકાત 2019 માં પાગલપંતી ના સેટ પર થઈ હતી.
- સાંજ પડતાં જ પુલકિત સમ્રાટનું ઘર રોશનીથી ઝળહળી ઉઠ્યું, લગ્નની તૈયારીઓ પૂરજોશમાં
