નવી દિલ્હી:જો તમે સોના અને ચાંદીની વધતી કિંમતોને કારણે આ ધનતેરસ પર શું ખરીદવું તે અંગે નિર્ણય લેવામાં મૂંઝવણમાં હોય અથવા અનિશ્ચિત છો, તો અમે તમારા નિર્ણયને સરળ બનાવવામાં મદદ કરી શકીએ છીએ. ETV ભારતે HDFC સિક્યોરિટીઝના કરન્સી અને કોમોડિટીઝના પ્રમુખ અનુજ ગુપ્તા સાથે આ વિષય પર વાત કરી તો તેમણે કહ્યું કે, ચાંદીમાં રોકાણ કરવાથી સોના કરતાં વધુ સારો નફો મળશે.
તેમણે કહ્યું કે, દિવાળીની સિઝનમાં સોના-ચાંદીની ખરીદીનો ટ્રેન્ડ જોવા મળે છે. ભાવમાં આ વધારો ભૌગોલિક રાજકીય તણાવ, આગામી યુએસ ચૂંટણીઓ અને યુએસ સેન્ટ્રલ બેંક દ્વારા તાજેતરના વ્યાજ રેટમાં ઘટાડાને આભારી હોઈ શકે છે. તેમણે કહ્યું કે, જ્યારથી ફેડરલ રિઝર્વે વ્યાજદર ઘટાડવાનું શરૂ કર્યું છે, ત્યારથી સોનાના ભાવમાં સતત વધારો થયો છે, અમેરિકી બજારોમાં લગભગ $200 વધારો રહ્યો છે. જેના પરિણામે ભારતીય બજારોમાં સોનાના ભાવમાં પણ ઉછાળો નોંધાયો છે, ચાંદી પ્રતિ કિલો રૂ.102,000ની ઉપર તો સોનું રૂ. 80,000ને પાર પહોંચી ગયું છે.
અનુજ ગુપ્તા પ્રમુખ, HDFC સિક્યોરિટી ઓફ કરન્સી એન્ડ કોમોડિટી સાથે ખાત વાતચીત (ETV Bharat) ધનતેરસ પર ચાંદી ખરીદવી કેટલી ફાયદાકારક છે?
અનુજ ગુપ્તાના જણાવ્યા અનુસાર ઔદ્યોગિક ક્ષેત્રની માંગ વધવાને કારણે ચાંદીના ભાવમાં વધારો થયો છે. ચીનમાં વ્યાજદરમાં ઘટાડાને કારણે ઔદ્યોગિક ગતિવિધિઓ પણ વધી છે જેના કારણે ચાંદીનો ઉપયોગ વધી રહ્યો છે. માંગ અને પુરવઠા વચ્ચેના અસંતુલનને કારણે કિંમતોમાં વધારો થયો છે. દિવાળી દરમિયાન સોનું અને ચાંદી ખરીદવું શુભ માનવામાં આવે છે, પરંતુ નિષ્ણાતો સૂચવે છે કે આગામી દિવસોમાં ચાંદી ખરીદવાથી સોના કરતાં વધુ સારો નફો મળી શકે છે.
ચાંદીનો ભાવ હજુ કેટલે સુધી જઈ શકે?
અનુજે જણાવ્યું હતું કે, આંતરરાષ્ટ્રીય સ્તરે, જ્યારે સોનાના ભાવ વિક્રમી ઊંચાઈએ પહોંચી ગયા છે, ત્યારે ચાંદી પ્રમાણમાં સસ્તી છે, જે હાલમાં તેની સર્વકાલીન ઉચ્ચતમ $49.50ની સરખામણીમાં $34-35 પ્રતિ ઔંસ છે. આ દર્શાવે છે કે સોના કરતાં ચાંદીમાં વૃદ્ધિની વધુ સંભાવના છે. સ્થાનિક બજારમાં, ચાંદીના ભાવ પ્રતિ કિલોગ્રામ રૂ. 1 લાખને વટાવી ચૂક્યા છે, અને જો આંતરરાષ્ટ્રીય ભાવ તેમના અગાઉના ઉચ્ચ સ્તરથી ઉપર જાય તો સ્થાનિક ભાવ રૂ. 1.25 લાખ પ્રતિ કિલોને પાર કરી શકે છે.
અનુજ ગુપ્તાના મતે, લાંબા ગાળાના પરિપ્રેક્ષ્યને જાળવી રાખીને સિસ્ટેમેટિક ઇન્વેસ્ટમેન્ટ પ્લાન (SIP)ની જેમ નિયમિતપણે સોના અને ચાંદીમાં રોકાણ કરવું વધુ સારું વળતર માટે સલાહભર્યું છે. આજકાલ, લોકો 1 ગ્રામથી શરૂ કરીને ઓછી માત્રામાં સોનું અને ચાંદી ખરીદી શકે છે. નિષ્ણાતો બજારની વધઘટનો લાભ લેવા એકસાથે રોકાણ કરવાને બદલે વૃદ્ધિશીલ રોકાણની સલાહ આપે છે.
સોના-ચાંદી મોંઘા થતા જ્વેલર્સ આપી રહ્યા છે ડિસ્કાઉન્ટ
જ્વેલરી કરતાં સીધું સોનું ખરીદવાને પ્રાધાન્ય આપતા ગ્રાહકોનો ટ્રેન્ડ પણ વધી રહ્યો છે. ડિસ્કાઉન્ટ ઑફર્સ વિશે તેમણે કહ્યું કે, સોના અને ચાંદીની વધતી કિંમતોને ધ્યાનમાં રાખીને રિટેલ જ્વેલર્સ ગ્રાહકોને આકર્ષવા માટે વિવિધ પ્રકારના ડિસ્કાઉન્ટ ઑફર કરી રહ્યા છે. સોના અને ચાંદીના વધતા ભાવ સાથે, જ્વેલર્સ 5 ટકાથી લઈને 10 ટકા સુધીનું ડિસ્કાઉન્ટ ઓફર કરી રહ્યા છે, જે ખરીદદારો માટે અનુકૂળ તકો ઊભી કરે છે.
આ પણ વાંચો:
- મંદી-મોંઘવારી વચ્ચે પણ સોનું 'હીરો' નીકળ્યું, છેલ્લા 10 વર્ષમાં 297 ટકાનું રિટર્ન આપ્યું
- દિવાળીના તહેવારમાં આટલા દિવસ બંધ રહેશે બેંકો, આટલું ખાસ જાણી લેજો નહીંતર ધક્કો થશે
