Published : Sep 13, 2024, 10:06 AM IST
મુંબઈઃકારોબારી સપ્તાહના અંતિમ દિવસે શેરબજાર સપાટ ખુલ્યું છે. BSE પર સેન્સેક્સ 98 પોઈન્ટના ઘટાડા સાથે 82,864.35ની સપાટી પર ખુલ્યો. જ્યારે NSE પર નિફ્ટી 0.28 ટકાના વધારા સાથે 25,458.75ની સપાટી પર ખુલ્યો છે.
ગુરુવારની બજાર
કારોબારી સપ્તાહના ચોથા દિવસે શેરબજાર ઉછાળા સાથે નવા રેકોર્ડ પર બંધ થયું. BSE પર સેન્સેક્સ 1439 પોઈન્ટના ઉછાળા સાથે 82,962.71ની સપાટી પર બંધ રહ્યો હતો. જ્યારે, NSE પર નિફ્ટી 1.74 ટકાના વધારા સાથે 25,352.20ની સપાટી પર બંધ થયો.
ગુરૂવારે ટ્રેડિંગ દરમિયાન હિન્દાલ્કો, શ્રીરામ ફાઇનાન્સ, એનટીપીસી, હીરો મોટોકોર્પ અને એમએન્ડએમના શેર નિફ્ટીમાં ટોચના ગેઇનર્સમાં હતા. જ્યારે નેસ્લે, ટાટા મોટર્સ અને ટીસીએસના શેર ટોપ લૂઝરની યાદીમાં સામેલ હતા.
આ કારણોસર શેરબજારે નવો રેકોર્ડ બનાવ્યો: ગુરુવારે બપોરના વેપાર બાદ સ્થાનિક શેરબજારોમાં તેજી જોવા મળી હતી. આ ઉછાળાને તમામ ક્ષેત્રોમાં વૃદ્ધિને ટેકો મળ્યો હતો. BSE સેન્સેક્સ 83,000ની સર્વકાલીન ઉચ્ચ સપાટીએ પહોંચ્યો હતો. જ્યારે NSE નિફ્ટી ઈન્ડેક્સ 477 પોઈન્ટથી વધુ વધીને 25,395.85ની સર્વકાલીન ટોચે પહોંચ્યો હતો.
સ્થાનિક શેરબજારોમાં એટલી ગતિ હતી કે BSE માર્કેટ કેપિટલાઇઝેશન (M-cap) રૂ. 6.14 લાખ કરોડથી વધુ વધી ગયું હતું. ભારતી એરટેલ, HDFC બેન્ક, રિલાયન્સ ઇન્ડસ્ટ્રીઝ લિમિટેડ (RIL), ઇન્ફોસિસ, લાર્સન એન્ડ ટુબ્રો (L&T), M&M અને ICICI બેન્ક જેવા પસંદગીના અગ્રણી શેરોમાં ખરીદારીથી સૂચકાંકોમાં વધારો થયો હતો.