કર્મચારીઓને આખા PF ​​ફંડને પેન્શનમાં કન્વર્ટ કરવાનો વિકલ્પ મળી શકે છે, જાણો શું થશે ફાયદો?

EPFO સભ્યોને રાહત આપવા માટે કેન્દ્ર સરકાર આગામી બજેટમાં અનેક પગલાંની જાહેરાત કરી શકે છે. શું હોય શકે આ જાહેરાત જાણો...

નવી દિલ્હી:કેન્દ્ર સરકાર નિવૃત્તિ પછી વૃદ્ધોને સામાજિક સુરક્ષા હેઠળ લાભ આપવા પર વિચાર કરી રહી છે. જેમાં એમ્પ્લોઈઝ પ્રોવિડન્ટ ફંડ ઓર્ગેનાઈઝેશન (EPFO) સાથે સંકળાયેલા કર્મચારીઓ માટે તેમના PF ફંડને પેન્શનમાં કન્વર્ટ કરવાનો વિકલ્પ પણ સામેલ છે. જો સરકાર આ નિયમ લાગુ કરશે તો કર્મચારીઓને નિવૃત્તિ પછી વધુ પેન્શન મેળવવામાં મદદ મળશે.

એવી અપેક્ષા છે કે, સરકાર આગામી નાણાકીય વર્ષ 2025-26ના બજેટમાં સામાજિક સુરક્ષા સાથે સંબંધિત આ નિયમોની જાહેરાત કરી શકે છે. મીડિયા રિપોર્ટ્સ અનુસાર, કેન્દ્ર સરકારના નિર્દેશો પર, શ્રમ અને રોજગાર મંત્રાલય પહેલાથી જ સામાજિક સુરક્ષા યોજનાનો વ્યાપ વધારવાના વિકલ્પ પર કામ કરી રહ્યું છે.

અહીં નોંધનીય બાબત એ છે કે, જો કર્મચારીઓને તેમના PF ફંડને પેન્શનમાં રૂપાંતરિત કરવાનો વિકલ્પ મળે છે, તો જે કર્મચારી વૃદ્ધાવસ્થામાં વધુ પેન્શન માંગે છે તે તેના ફંડમાં જમા થયેલી રકમને પેન્શન ફંડમાં મૂકી શકે છે. તેનાથી પેન્શન તરીકે મળતી રકમમાં વધારો થશે.

સરકાર IT સિસ્ટમનો વ્યાપ વિસ્તારવા વિચારી રહી છે:

જાણવા જેવી બાબત એ છે કે, કેન્દ્ર સરકાર PFO સિસ્ટમને પણ બેંકિંગ જેવી બનાવવા પર કામ કરી રહી છે, જેથી કરીને લોકોને બેંકિંગ જેવી સુવિધા મળવા લાગશે કે પછી આ સુવિધાની જાહેરાત બજેટમાં થઈ શકે છે. આ અંગે EPFO ​​શ્રમ અને રોજગાર મંત્રાલય (Ministry of Labour and Employment) સાથે નિયમિત રીતે ચર્ચા કરી રહ્યું છે.

વધારાના યોગદાન પર આવકવેરા મુક્તિ અંગે વિચારણા:

મંત્રાલયનું માનવું છે કે, બેંક તરફથી મળતા વ્યાજની ટકાવારી ઓછી હોવાને કારણે ઘણા લોકોને FD મળતી નથી. આ લોકોનું માનવું છે કે, બેંક FD પર 7 % થી ઓછું વ્યાજ આપે છે, જ્યારે PF ખાતામાં પૈસા જમા કરાવવા પર 8 % થી વધુ વ્યાજ મળે છે. આવી સ્થિતિમાં, જો તેમને એકસાથે ડિપોઝિટની સુવિધા મળે છે, તો લોકો ભવિષ્યની સુરક્ષા માટે EPF ખાતામાં પૈસા જમા કરવાનું શરૂ કરશે.

PF ખાતામાં એકસાથે રકમ જમા કરાવવાની વ્યવસ્થા:

અહેવાલો અનુસાર, મંત્રાલય ઇચ્છે છે કે, EPFO ​​સભ્યોને તેમના ખાતામાં નિયમિત શેડ્યૂલ માસિક યોગદાનની સાથે એકસાથે રકમ જમા કરવાની મંજૂરી આપવામાં આવે. આ વિકલ્પ પર લાંબા સમયથી ચર્ચા થઈ રહી છે, પરંતુ હજુ સુધી કોઈ નિર્ણય લેવામાં આવ્યો નથી. આવી સ્થિતિમાં, જો સરકાર કર્મચારીઓને આવી સુવિધા આપે છે, તો PF ખાતામાં વધુ રકમ જમા થશે અને કર્મચારીઓને નિવૃત્તિ પછી વધુ પેન્શન મળશે.

નિવૃત્તિ પછી PF ફંડ પર વ્યાજ:

જો કોઈ કર્મચારીને નિવૃત્તિ સમયે લાગે છે કે તેની પાસે આવકના અન્ય વિકલ્પો છે અને તે 58 વર્ષની ઉંમરે પેન્શન લેવા માંગતો નથી. તેના બદલે, જો તે 60-65 અથવા અન્ય કોઈપણ વયથી પેન્શન શરૂ કરવા માંગે છે, તો તેને પણ આવો વિકલ્પ મળી શકે છે.

આ પણ વાંચો: