વાયનાડમાં ભૂસ્ખલન: મૃત્યુઆંક 387 પર પહોંચ્યો, 7માં દિવસે પણ રેસક્યૂ ઓપરેશન યથાવત - wayanad landslides updates

વાયનાડ ભૂસ્ખલનમાં મૃત્યુઆંક સતત વધી રહ્યો છે. ત્યારે રાજ્યના આરોગ્ય મંત્રાલયના જણાવ્યા અનુસાર, અત્યાર સુધીમાં મૃત્યુઆંક 308 પર પહોંચી ગયો છે. રાહત કામગીરીના ભાગરૂપે વાયનાડમાં કુલ 53 શિબિરોની સ્થાપના કરવામાં આવી છે. સંપૂર્ણ સમાચાર વાંચો. wayanad landslides updates

વાયનાડ:કેરળના વાયનાડમાં ભૂસ્ખલનને કારણે મૃત્યુઆંક સતત વધી રહ્યો છે. હાલમાં મળતી માહિતી અનુસાર, સોમવારે 387 લોકોના મોતના સમાચાર સામે આવ્યા છે. બીજી તરફ બચાવ કામગીરી હજુ પણ ચાલી રહી છે. આપને જણાવી દઈએ કે, 1500 થી વધુ બચાવકર્મીઓ ભૂસ્ખલનમાં ફસાયેલા લોકોને શોધવામાં લાગેલા છે. જ્યારે હજારો લોકો હજુ પણ ગુમ છે.

સાતમા દિવસે પણ સર્ચ ઓપરેશન યથાવત: ભૂસ્ખલનથી તારાજ થઈ ગયેલા ચુરલમાલા અને મુંડાકાઈમાં સોમવારે સાતમા દિવસે પણ સર્ચ ઓપરેશન ચાલુ છે. કહેવામાં આવી રહ્યું છે કે 180 થી વધુ લોકોનો હજી પણ કોઈ પત્તો મળ્યો નથી. રાજ્યના આરોગ્ય મંત્રાલયના જણાવ્યા અનુસાર, 2 ઓગસ્ટ સુધી મૃત્યુઆંક 308 હતી, રાહત કામગીરીના ભાગરૂપે વાયનાડમાં કુલ 53 શિબિરોની સ્થાપના કરવામાં આવી છે. નવી માહિતી અનુસાર જિલ્લામાંમાં કાર્યરત 6759 લોકોને શિબિરોમાં ખસેડવામાં આવ્યા હતા, જેમાં 1983 પરિવારો છે, જેમાંથી 2501 પુરૂષો અને 2677 મહિલાઓ, સહિત 1581 બાળકો અને 20 સગર્ભા સ્ત્રીઓનો સમાવેશ થાય છે.

રાહત શિબિરોમાં લાચાર જિંદગી: સરકારે મેપ્પડી અને અન્ય ગ્રામ પંચાયતોમાં 16 શિબિરોની સ્થાપના કરી છે, જેમાં 9 આશ્રયસ્થાનો અને 7 બચાવ શિબિરોનો સમાવેશ થાય છે. નવીનતમ માહિતી અનુસાર, કુલ 2514 લોકોને આ આશ્રયસ્થાનોમાં ખસેડવામાં આવ્યા છે. જેમાં 723 પરિવારો, 943 પુરૂષો, 972 મહિલાઓ, 599 બાળકો અને છ ગર્ભવતી મહિલાઓનો સમાવેશ થાય છે.

30 જૂલાઈએ ત્રાટકી હતી ભૂસ્ખલનની આફત: આપને જણાવી દઈએ કે, 30 જુલાઈના રોજ વાયનાડના ચુરલમાલા અને મુંડક્કાઈમાં મોટા પાયે ભૂસ્ખલન થયું હતું, જેના કારણે મોટાપાયે વિનાશ અને જાનમાલનું નુકસાન થયું હતું. રવિવારે મોડી રાત્રે, જિલ્લા વહીવટીતંત્રે ભૂસ્ખલનમાં માર્યા ગયેલા અજાણ્યા લોકોના નશ્વર અવશેષોના સામૂહિક અંતિમ સંસ્કાર કર્યા હતા.

ભારતીય વાયુસેનાની લેવાઈ મદદ:કેરળના મુખ્યપ્રધાન પિનરાઈ વિજયને અગાઉ જિલ્લા વહીવટીતંત્રને આંતરધર્મ પ્રાર્થના સાથે ઔપચારિકતા પૂર્ણ કરવાનો નિર્દેશ આપ્યો હતો. નિવેદનમાં કહેવામાં આવ્યું છે કે બચાવ કામગીરી માટે પોલીસની પરવાનગી વિના રાત્રે કોઈએ આ સ્થળોના ઘરો અથવા વિસ્તારોમાં પ્રવેશ કરવો જોઈએ નહીં. કેરળ સરકારની વિનંતી પર, ભારતીય વાયુસેનાએ 3 ઓગસ્ટે સર્ચ ઓપરેશન માટે સિયાચીન અને દિલ્હીમાંથી એક ZAWER અને ચાર REECO રડાર મંગાવી છે.