કેરળ: વાયનાડમાં પ્રિયંકા ગાંધીની પ્રચંડ જીત, 4 લાખથી વધુ મતથી જીત્યા, રાહુલનો તોડ્યો રેકોર્ડ

કેરળની વાયનાડ લોકસભા બેઠકની પેટા ચૂંટણીમાં પ્રિયંકા ગાંધીએ ભવ્ય વિજય હાંસલ કર્યો છે. તેમણે રાહુલ ગાંધીની જીતના અંતરને પાર કર્યું.

તિરુવનંતપુરમ:વાયનાડ લોકસભા ક્ષેત્રમાં પેટા ચૂંટણીનું પહેલું પરિણામ આવતાની સાથે જ યુનાઈટેડ નેશનલ ફ્રન્ટ ઉમેદવાર પ્રિયંકા ગાંધી સ્પષ્ટ રીતે આગળ ચાલી રહ્યા છે. પ્રિયંકા ગાંધી 368319 મતથી આગળ ચાલી રહ્યા છે. પોસ્ટલ બેલેટ અને ઘરેલુ મતો પછી વાયનાદમાં મશીનથી મળેલા મતોની ગણતરી પણ શરૂ થઈ ગઈ છે. યુનાઈટેડ નેશનલ ફ્રન્ટ જૂથનો દાવો છે કે પ્રિયંકા ગાંધી 4 લાખ મતો કરતાં વધુ મતોથી બહુમત મેળવશે.

વાયનાડ લોકસભા વિસ્તારમાં મતોની ગણતરી ત્રણ કેન્દ્રો ઉપર ચાલી રહી છે. કલપેટ્ટા, મનંતવડી અને બાથરી વિધાનસભા વિસ્તારોના મતોની ગણતરી કલપેટ્ટા એસકેએમજે સ્કૂલમાં ચાલી રહી છે. નીલાંબૂર, એયનાડ અને વંદૂર વિધાનસભા વિસ્તારોના મતોની ગણતરી અમલ કૉલેજ, માયલાડી સ્કિલ ડેવલપમેન્ટ બિલ્ડિંગમાં ચાલી રહી છે અને તીરુંવંબાડી ચૂંટણી વિસ્તારના મતોની ગણતરી સેંટ મેરી એલપી શાળા, કૂડાથાઈમાં ચાલી રહી છે.

આ દરમિયાન 13 નવેમ્બરે થયેલા મતદાનમાં ઓછા મતદાનથી પક્ષોને મુશ્કેલીમાં મૂકી દીધા છે. આ વખતે મતદાન 64.71 ટકા રહ્યું હતું. જે એપ્રિલમાં 73.57 ટકાથી ઓછું છે. પક્ષો પ્રચાર કરી રહ્યા છે કે ઓછા મતદાનથી તેમના રાજકીય મતો ઉપર કોઈ અસર નથી થઈ અને એનાથી તેમના વિરોધીઓ હાંફવાના જ છે.

વાયનાડમાં ચૂંટણી લડનારા 16 ઉમેદવારોમાંથી મુખ્ય દાવેદાર કોંગ્રેસના નેતૃત્ત્વ વાળી યુનાઈટેડ નેશનલ ફ્રન્ટના પ્રિયંકા ગાંધી વાડ્રા છે, જે પોતાની ચૂંટણીથી પદાર્પણ કરી રહ્યા છે, સીપીઆઇના નેતૃત્વ વાળી એલડીએફના સત્યાં મોકેરી, જે એક રાજનીતિન દિગ્ગજ છે અને ભાજપના નેતૃત્વ વાળી નેશનલ ડેમોક્રેટિક અલાયન્સના નવ્યા હરીદાસ છે.

પ્રિયંકા પોતાના ભાઈ રાહુલ ગાંધીની જગ્યા લેવાની આશા સેવી રહ્યા છે, જેમણે આ વર્ષની ચૂંટણીઓમાં બે બેઠકો જીત્યા પછી રાયબરેલી ચૂંટણી વિસ્તારમાં પકડ બનાવી રાખવાના નિર્ણય પછી સીટ ખાલી કરી દીધી હતી. તેઓએ 2019માં અહિયાંથી જીત મેળવી હતી અને તેમના રાજીનામાના કારણે પેટા ચૂંટણીની જરૂર પડી હતી.

આ પણ વાંચો: