ચેંગલપટ્ટુઃતમિલનાડુના ચેંગલપટ્ટુ જિલ્લામાં એક મંદિરની દાનપેટી (હુન્ડી)માં ભૂલથી એક ભક્તનો આઈફોન પડી ગયો હતો. જ્યારે ભક્તે મંદિર પ્રશાસનને આઇફોન પાછો મેળવવા માટે વિનંતી કરી, ત્યારે તેને કહેવામાં આવ્યું કે, તે હવે ભગવાનની 'સંપત્તિ' છે.
આ મામલો થિરુપુરુરના શ્રી કંડાસ્વામી મંદિરનો છે. કહેવાય છે કે ચેન્નાઈનો રહેવાસી દિનેશ છ મહિના પહેલા મંદિરમાં દર્શન કરવા આવ્યો હતો. આ દરમિયાન દાનપેટીમાં પૈસા નાખતી વખતે અકસ્માતે તેનો આઈફોન પણ તેમાં પડી ગયો હતો.
જ્યારે દિનેશ પોતાનો ફોન પાછો મેળવવા માટે મંદિરના અધિકારીઓનો સંપર્ક કર્યો, ત્યારે તેણે અત્યંત ખરાબ પરિસ્થિતિનો સામનો કરવો પડ્યો. દિનેશ પ્રત્યે સહાનુભૂતિ વ્યક્ત કરતા મંદિરના અધિકારીઓએ કહ્યું કે, દાન પેટીમાં મુકવામાં આવતા તમામ પ્રસાદને પવિત્ર માનવામાં આવે છે અને તે દેવતા (ભગવાન)ના નામ પર આપવામાં આવે છે. તેમણે એવી દલીલ પણ કરી હતી કે, પરંપરા મુજબ હુંડી બે મહિનામાં માત્ર એક જ વાર ખોલવામાં આવે છે. દિનેશને એમ પણ કહેવામાં આવ્યું હતું કે, હુંડી ખોલ્યા પછી તે તેના માટે વિનંતી કરી શકે છે.
શુક્રવારે, 20 ડિસેમ્બરે, જ્યારે મંદિરના અધિકારીઓએ દાનપેટી ખોલી ત્યારે દિનેશ પોતાનો આઇફોન લેવા ત્યાં પહોંચ્યો હતો, પરંતુ મંદિર પ્રશાસને પોતાનું વલણ જાળવી રાખ્યું હતું. જો કે, તેમને ફોનમાંથી કોઈપણ મહત્વપૂર્ણ ડેટા એક્સેસ કરવા માટે સિમ કાર્ડ મેળવવાનો વિકલ્પ આપવામાં આવ્યો હતો.
મંદિરના વહીવટી અધિકારીનું નિવેદન
દિનેશે પહેલેથી જ એક નવું સિમ કાર્ડ ખરીદ્યું છે અને તેનું ડિવાઈસ પરત કરવા માટે અધિકારીઓને છોડી દીધું છે. મંદિરના એક્ઝિક્યુટિવ ઓફિસરે કહ્યું કે, અમને એ સ્પષ્ટ નથી કે શું દિનેશએ આઈફોનને પ્રસાદ તરીકે આપ્યો હતો અને પછી તેણે પોતાનો વિચાર બદલી નાખ્યો હતો, કારણ કે દાનપેટી લોખંડની બનેલી છે અને સારી રીતે સુરક્ષિત છે.
સોશિયલ મીડિયા પર ચર્ચા જાગી
આ ઘટનાએ સોશિયલ મીડિયા પર ચર્ચા જગાવી છે. કેટલાક યુઝર્સે પોસ્ટમાં લખ્યું છે કે, iPhone કદાચ તેની બેટરી લાઇફ અથવા કેમેરાની ગુણવત્તા સુધારવા માટે ભગવાનના હસ્તક્ષેપની માંગ કરી રહ્યું છે. અન્ય લોકોએ ફિલોસોફિકલ પ્રશ્નનો કર્યો છે કે, શું ટેક્નોલોજીને ખરેખર પવિત્ર અર્પણ ગણી શકાય.
આ પણ વાંચો:
- કચ્છ નહીં દેખા તો ક્યાં દેખા: 'સફેદ રણ બોલાવી રહ્યું છે!', PM મોદીએ રણોત્સવ માણવા આપ્યું ખાસ આમંત્રણ
- પ્રયાગરાજ મહાકુંભ: જાતે ભોજન તૈયાર કરે છે, બધા નથી બની શકતા સંત, જાણો અગ્નિ અખાડાની ખાસ પરંપરાઓ
