નવી દિલ્હી: દિલ્હીની રાઉઝ એવન્યુ કોર્ટ આજે 1984ના શીખ વિરોધી રમખાણો દરમિયાન સરસ્વતી વિહાર કેસના આરોપી તેમજ ભૂતપૂર્વ કોંગ્રેસ નેતા સજ્જન કુમાર વિરુદ્ધ નોંધાયેલા કેસની સુનાવણી કરશે. વિશેષ ન્યાયાધીશ કાવેરી બાવેજા આ કેસની સુનાવણી કરશે. તમને જણાવી દઈએ કે કોર્ટે 30 નવેમ્બર 2023ના રોજ બચાવ પક્ષના પુરાવાઓને બંધ કરી દીધા હતા.
સજ્જન કુમારે 1 નવેમ્બર 2023ના રોજ પોતાનું નિવેદન નોંધ્યું હતું. કોર્ટે 27 એપ્રિલ 2022ના રોજ સજ્જન કુમારને જામીન આપ્યા હતા. 19 એપ્રિલ, 2022 ના રોજ, આ કેસમાં ફરિયાદ પક્ષના બે સાક્ષીઓ સરબજીત સિંહ બેદી અને દિલીપ કુમાર ઓહરીએ તેમના નિવેદનો નોંધ્યા હતા. 93 વર્ષીય સાક્ષી ડીકે અગ્રવાલના નિવેદનની સીલબંધ કોપી કોર્ટમાં રજૂ કરવામાં આવી હતી. કર્કડૂમા કોર્ટના મેટ્રોપોલિટન મેજિસ્ટ્રેટ સમક્ષ અગ્રવાલનું નિવેદન નોંધવામાં આવ્યું હતું. 29 માર્ચ, 2022 ના રોજ, કોર્ટે ડીકે અગ્રવાલને તેમની બીમારી અને તેમની વૃદ્ધાવસ્થાને ધ્યાનમાં રાખીને તેમના ઘરે તેમનું નિવેદન રેકોર્ડ કરવાનો આદેશ આપ્યો હતો.
29 માર્ચ 2022ના રોજ કોર્ટમાં બે સાક્ષીઓ ડૉ. પુનીત જૈન અને મનોજ સિંહ નેગીના નિવેદનો નોંધવામાં આવ્યા હતા. 23 ડિસેમ્બર 2021ના રોજ કોર્ટમાં દસ્તાવેજોની તપાસ કરવામાં આવી હતી. 16 ડિસેમ્બર, 2021 ના રોજ, સજ્જન કુમારે આ કેસમાં પોતાને નિર્દોષ જાહેર કર્યા હતા અને કહ્યું હતું કે તે ટ્રાયલનો સામનો કરશે. ગત 4 ડિસેમ્બરે કોર્ટે સજ્જન કુમાર વિરુદ્ધ આરોપ ઘડવાનો આદેશ આપ્યો હતો.
શું છે સમગ્ર મામલો? :આ મામલો 1 નવેમ્બર 1984નો છે જેમાં પશ્ચિમ દિલ્હીના રાજ નગરમાં સરદાર જસવંત સિંહ અને સરદાર તરુણ દીપ સિંહની હત્યા કરવામાં આવી હતી. સાંજે લગભગ 4-30 વાગ્યે, તોફાનીઓના ટોળાએ રાજ નગર વિસ્તારમાં પીડિતોના ઘર પર લોખંડના સળિયા અને લાકડીઓ વડે હુમલો કર્યો હતો. ફરિયાદીઓના જણાવ્યા અનુસાર, આ ટોળાનું નેતૃત્વ સજ્જન કુમાર કરી રહ્યા હતા, તેઓ જે તે સમયે આઉટર દિલ્હી લોકસભા સીટના કોંગ્રેસના સાંસદ હતા.
ફરિયાદ અનુસાર, સજ્જન કુમારે ટોળાને હુમલો કરવા માટે ઉશ્કેર્યા, ત્યારબાદ ટોળાએ સરદાર જસવંત સિંહ અને સરદાર તરુણ દીપ સિંહને જીવતા સળગાવી દીધા હતા. ટોળાએ પીડિતોના ઘરોમાં તોડફોડ, લૂંટફાટ અને આગચંપી કરી હતી. તત્કાલિન રંગનાથ મિશ્રાની આગેવાની હેઠળના તપાસ પંચ સમક્ષ ફરિયાદીએ આપેલા સોગંદનામાના આધારે ઉત્તર જિલ્લાના સરસ્વતી વિહાર પોલીસ સ્ટેશનમાં એફઆઈઆર નોંધવામાં આવી હતી. એફઆઈઆરમાં ભારતીય દંડ સંહિતાની કલમ 147,148,149,395,397,302,307, 436 અને 440 હેઠળ આરોપો મૂકવામાં આવ્યા હતા.
- માતાએ જ કરી 6 દિવસની બાળકીની હત્યા ! પોલીસ કબૂલાતમાં સામે આવી હકીકત, શું હતું હત્યાનું કારણ, જાણો - Mother killed 6 Days old Girl Child
