તિરુવનંતપુરમ: કેરળના તિરુવનંતપુરમમાં એક વિશેષ ફાસ્ટ-ટ્રેક કોર્ટે 44 વર્ષીય ટ્યુશન શિક્ષકને સગીર વિદ્યાર્થિની પર બળાત્કાર ગુજારવાના આરોપમાં 111 વર્ષની સખત કેદની સજા ફટકારી છે. મળતી માહિતી મુજબ વિદ્યાર્થીના માતા-પિતાએ ફોર્ટ પોલીસ સ્ટેશનમાં ફરિયાદ નોંધાવી હતી.
ન્યૂઝ એજન્સી પીટીઆઈએ જણાવ્યું કે, આ ઘટના ત્યારે પ્રકાશમાં આવી જ્યારે યુવતીએ ડરના કારણે તેના ટ્યુશન ક્લાસમાં જવાનું બંધ કરી દીધું. બાદમાં બાળકીના માતા-પિતાએ ફોર્ટ પોલીસ સ્ટેશનમાં ફરિયાદ નોંધાવી હતી. સગીર બાળકી સાથે તેના પતિના દુષ્કર્મની જાણ થતાં જ દોષિતની પત્નીએ આત્મહત્યા કરી લીધી હતી.
ટ્રાયલ દરમિયાન, શિક્ષકે દાવો કર્યો હતો કે, તે ઘટના દરમિયાન કામ પર હાજર હતો અને સ્પેશિયલ પબ્લિક પ્રોસિક્યુટર્સ આરએસ વિજય મોહન અને આરવી અખિલેશની આગેવાની હેઠળના રજિસ્ટર્ડ રજાના રેકોર્ડ્સ પણ રજૂ કર્યા હતા, જે તેમના ફોનમાંથી મળ્યા હતા તેણે સાબિત કર્યું કે તે ઘટના સમયે ટ્યુશન સેન્ટરની નજીક હતો.
કોર્ટે દંડ પણ ફટકાર્યો
પોતાના ચુકાદામાં સ્પેશિયલ ફાસ્ટ-ટ્રેક કોર્ટના જજ આર.રેખાએ કહ્યું હતું કે, શિક્ષકને બાળકોના વાલી માનવામાં આવે છે. પરંતુ તેણે એવો ગુનો કર્યો છે, જેના માટે કોઈ દયા ન આપી શકાય. કોર્ટે તેના પર 1 લાખ રૂપિયાથી વધુનો દંડ પણ ફટકાર્યો છે, જે ભરપાઈ કરવા પર એક વર્ષની વધારાની કેદની સજા ભોગવવી પડશે.
નવેમ્બરમાં પણ આ પ્રકારનો ગુનો
અગાઉ નવેમ્બરમાં, બેંગલુરુમાં આજ પ્રકારની એક ઘટનામાં એક 22 વર્ષીય શારીરિક શિક્ષણના શિક્ષકે 17 વર્ષીય વિદ્યાર્થિની પર કથિત રીતે બળાત્કાર કરવાના આરોપમાં ધરપકડ કરવામાં આવી હતી, પીડિતાએ જણાવ્યું હતું કે, શિક્ષકે કથિત રીતે સગીરાને એક મહિના પહેલાં દેવનારાયણ દુર્ગા હિલમાં જવા માટે લલચાવવા-ફોસલાવા અને પછી તેને તુમકુરની એક લોજમાં લઈ ગયો હતો, જ્યાં તેણે તેની સાથે મારકૂટ કરી હતી.
આરોપી પીડિતાને 10 દિવસ પછી તેના ઘરે લઈ ગયો અને તેની સાથે ફરીથી બળાત્કાર કર્યો. ત્યારપછી તેણે તેને કથિત રીતે ધમકી આપી હતી કે જો તેણીએ તેને આ ઘટના વિશે કહ્યું તો તે તેને મારી નાખશે.
- કૌટુંબિક ભાણીને હવસનો શિકાર બનાવતો કૌટુંબિક મામો જેલ હવાલે, 20 વર્ષ જેલમાં સડશે
- બ્રિટનમાં ફિઆન્સેની હત્યાનો દોષિત સુરતની જેલમાં સજા કાપશે, કેમ લેવાયો આવો નિર્ણય?
