શ્રીનગર:સુરક્ષા દળોએ જમ્મુ અને કાશ્મીરના કુપવાડા જિલ્લામાં સરહદ પારના આતંકવાદી મોડ્યુલનો પર્દાફાશ કર્યો છે. પોલીસે જણાવ્યું હતું કે વિશ્વસનીય માહિતી અને અન્ય સહાયક એજન્સીઓની પુષ્ટિના આધારે કાર્યવાહી કરવામાં આવી હતી.
કુપવાડા પોલીસે 9 પેરા ફિલ્ડ રેજિમેન્ટ સાથે મળીને પીઓકે સ્થિત બે એલઈટી હેન્ડલર્સ, મંજૂર અહેમદ શેખ ઉર્ફે શકુર અને કાઝી મોહમ્મદ ખુશાલ દ્વારા મોકલવામાં આવેલા હથિયારો અને દારૂગોળાની દાણચોરીમાં સામેલ આતંકવાદી મોડ્યુલનો પર્દાફાશ કર્યો હતો. હાલમાં બંને સરહદ પારથી કામ કરી રહ્યા છે. પોલીસે જણાવ્યું કે કુપવાડા જિલ્લાના કર્નાહના ઝહૂર અહેમદ ભટ તરીકે ઓળખાતા વ્યક્તિની ધરપકડ કરવામાં આવી છે. તેની પાસેથી એક એકે, એક એકે મેગેઝીન, 29 રાઉન્ડ, બે પિસ્તોલ અને બે પિસ્તોલ મેગેઝીન મળી આવ્યા હતા.
પીઓકેના બે હેન્ડલર્સ ઝહૂરના સંપર્કમાં હતા, જે એલઓસી પાસેના ગામનો રહેવાસી છે. પોલીસે જણાવ્યું હતું કે આ બાજુથી મોકલવામાં આવેલ કન્સાઈનમેન્ટ પછી અન્ય આતંકવાદી સહયોગીઓને આપવામાં આવ્યું હતું, જેઓ ઝહૂર અહેમદ ભટ અને પીઓકે સ્થિત ઓપરેટરોના સંપર્કમાં હતા.
પોલીસે જણાવ્યું કે, 'ઝહૂર સિવાય અન્ય ચાર આતંકવાદી સહયોગીઓ ખુર્શીદ અહેમદ રાથેર, મુદાસિર શફીક, ગુલામ સરવર અને કાઝી ફઝલની ધરપકડ કરવામાં આવી છે. આ તમામ કર્ણાહના રહેવાસી છે. પોલીસે જણાવ્યું હતું કે તેમની પાસેથી પાંચ એકે રાઈફલ, પાંચ એકે મેગેઝિન અને 16 એકે રાઉન્ડ અને અન્ય ગુનાહિત સામગ્રી સહિત શસ્ત્રો અને દારૂગોળો મળી આવ્યો હતો.
- Triple talaq case in delhi: દિલ્હીમાં ત્રિપલ તલ્લાકની બે ઘટના આવી સામે, બંને કેસમાં પત્નીઓએ દાખલ કરાવી ફરિયાદ
- Gyanvapi ASI Survey: જ્ઞાનવાપી ASI સર્વે રિપોર્ટમાં મોઘલ કાળના સિક્કા, પશ્ચિમી દિવાલ વિષયક ઉલ્લેખ કરાયો
