નવી દિલ્હી:પાર્ટીના નેતા ગોપાલ રાયના જણાવ્યા અનુસાર, આ જ રીતે પંજાબ, હરિયાણા, ઉત્તર પ્રદેશ, મહારાષ્ટ્ર, ગુજરાત, મધ્યપ્રદેશ સહિત 22 રાજ્યોમાં ભાજપના મુખ્યાલયમાં પાર્ટી કાર્યકર્તાઓ વિરોધ પ્રદર્શન કરીને પોતાનો અવાજ ઉઠાવશે. તેમનું કહેવું છે કે અરવિંદ કેજરીવાલને સુપ્રીમ કોર્ટમાંથી જામીન મળવાના હતા, ત્યારે ભાજપની કેન્દ્ર સરકારે તેમની CBI દ્વારા ધરપકડ કરી લીધી. ભાજપ આમ આદમી પાર્ટીને ખતમ કરવા માંગે છે અને અરવિંદ કેજરીવાલને ચૂંટણીથી દૂર રાખવા માંગે છે. એટલા માટે તેઓ ખોટા કેસ દાખલ કરીને કેજરીવાલને ફસાવવાનો પ્રયાસ કરી રહ્યા છે.
આ આમ આદમી પાર્ટીનો મુદ્દો હશે, પાર્ટીનો આરોપ છે કે ભાજપની કેન્દ્ર સરકાર પોતાના રાજકીય હેતુઓ માટે તમામ કેન્દ્રીય તપાસ એજન્સીઓનો દુરુપયોગ કરી રહી છે. સીબીઆઈએ છેલ્લા બે વર્ષ સુધી સીએમ અરવિંદ કેજરીવાલને કથિત શરાબ નીતિ કેસમાં આરોપી બનાવ્યા ન હતા. પરંતુ જ્યારે ભાજપને લાગ્યું કે અરવિંદ કેજરીવાલ સુપ્રીમ કોર્ટમાંથી જામીન મેળવવા જઈ રહ્યા છે, ત્યારે તેઓએ સીબીઆઈને આગળ કરી. તેમનો હેતુ કોઈ કેસની તપાસ કરવાનો નથી કે તેમને કાયદા સાથે કોઈ લેવાદેવા નથી. ભાજપ ઈચ્છે છે કે કોઈપણ રીતે અરવિંદ કેજરીવાલને જેલમાં રાખવામાં આવે, તેમને ચૂંટણીથી દૂર રાખવામાં આવે અને આમ આદમી પાર્ટીને ખતમ કરી દેવામાં આવે. તેથી ભાજપ પોતાના રાજકીય ઉદ્દેશ્યો પૂરા કરવા માટે કેન્દ્રીય સંસ્થાઓનો દુરુપયોગ કરી રહી છે.