মা কালীৰ আশিস ল'লে সোণোৱালে

তিনিচুকীয়া: পোহৰৰ উৎসৱ দীপাৱলীৰ আনন্দ-উল্লাসৰ মাজতে শুকুৰবাৰে তিনিচুকীয়াত উপস্থিত হয় প্ৰাক্তন মুখ্যমন্ত্ৰী তথা বৰ্তমানৰ কেন্দ্ৰীয় মন্ত্ৰী সৰ্বানন্দ সোণোৱাল । তিনিচুকীয়াৰ নিউ মাৰ্কেটত আয়োজন কৰা কালী পূজাত অংশগ্ৰহণ কৰে কেন্দ্ৰীয় মন্ত্ৰী সৰ্বানন্দ সোণোৱালে । অংশগ্ৰহণ কৰি মা কালীৰ শ্ৰীচৰণত পূজা-অৰ্চনা কৰি ঢাকৰ তালে তালে হাত চাপৰি বজাই ভক্তসকলক সম্বোধন কৰে ।

লগতে ৰাজ্যবাসীক দীপাৱলীৰ শুভেচ্ছা জ্ঞাপন কৰি কেন্দ্ৰীয় মন্ত্ৰী সোণোৱালে কয়,"তিনিচুকীয়াৰ সমাজখন সদায় মিলা-প্ৰীতিৰে থাকক, একতাৰ এনাজৰীয়ে বান্ধ খাই থাকক । অসমৰ বুকুলৈ তিনিচুকীয়াবাসীয়ে সমন্বয়ৰ বাৰ্তা প্ৰেৰণ কৰক ।" উক্ত সময়ত কেন্দ্ৰীয় মন্ত্ৰীগৰাকীক সংগ দিয়ে সাংসদ ৰামেশ্বৰ তেলী, শ্ৰম মন্ত্ৰী সঞ্জয় কিষাণ, যুৱ নেতা অৰুণজ্যোতি মৰাণৰ লগতে কেইবাগৰাকীও নেতা-কৰ্মীয়ে ।