১৪ মাৰ্চত বৰপেটালৈ আহিব ৰাজনাথ সিং

বৰপেটা, ১০ মাৰ্চ: অহা ১৪ মাৰ্চত প্ৰতিৰক্ষা মন্ত্ৰী ৰাজনাথ সিঙে বৰপেটাত এখন সভাত অংশগ্ৰহণ কৰিব বুলি নিশ্চিত হোৱাৰ সময়তে এফালে বৰপেটা লোকসভা সমষ্টিৰ টিকটক লৈ ফণীভূষণ চৌধুৰীৰ কন্দাকটা আৰু আনফালে লোকসভাৰ নিৰ্বাচনৰ প্ৰচাৰ সভাক লৈ বৰপেটাত তৎপৰ বিধায়কগৰাকী ৷ শনিবাৰে আমবাৰী কাৰ্যালয়ত দেওবাৰে দেখা ফণীভূষণ চৌধুৰীৰ বিপৰীত ৰূপ দেখা গ'ল বৰপেটা জিলা অগপৰ কাৰ্যালয়ত ৷

লোকসভা নিৰ্বাচনৰ পূৰ্বে প্ৰতিৰক্ষা মন্ত্ৰী ৰাজনাথ সিং অহা ১৪ মাৰ্চত আহিব বৰপেটালৈ ৷ ৰাজনাথ সিঙৰ আগমনক লৈ তৎপৰ অগপই আজি বৰপেটা লোকসভা সমষ্টি ভিত্তিত এখন সভা অনুষ্ঠিত কৰে ৷ বৰপেটা জিলা অগপৰ কাৰ্যালয়ত অনুষ্ঠিত সভাখনত ফণীভূষণ চৌধুৰীৰ লগতে উপস্থিত থাকে ভূপেন ৰয়, গুনীন্দ্ৰ নাথ দাসৰ উপৰি বৰপেটা, বঙাইগাঁও, নলবাৰী, বজালী আদি জিলা অগপৰ নেতৃত্ব ৷

উল্লেখ্য যে, ৰাজনাথ সিঙৰ সভাখনত ১ লাখ লোকৰ সমাগমৰ লক্ষ্য বান্ধি লৈছে অগপ আৰু বিজেপিয়ে ।

ৱগতে পঢ়ক:আমবাৰীৰ কাৰ্যালয়ত আবেগিক ফণীভূষণ চৌধুৰী, নিবিচাৰে লোকসভা নিৰ্বাচন খেলিবলৈ