শশী মডেলৰ প্ৰতি আকৰ্ষণ দেখি নিজকে সৌভাগ্যবান অনুভৱ কৰিছে কংগ্ৰেছৰ নিলম্বিত বিধায়ক শশীকান্তই - অসম বিধানসভা

গুৱাহাটী, 21 ফেব্ৰুৱাৰী: শশী মডেলৰ প্ৰতি আকৰ্ষণ দেখি নিজকে সৌভাগ্যবান অনুভৱ কৰিছে বুলি সংবাদ মাধ্যমৰ আগত উল্লেখ কংগ্ৰেছৰ নিলম্বিত বিধায়ক শশীকান্ত দাসৰ । ইয়াৰ কাৰণ ব্যাখ্যা কৰি দাসে কয় যে তেওঁৰ পথ অনুকৰণ কৰি কংগ্ৰেছৰ দুজনকৈ বিধায়ক কমলাক্ষ দে’ পুৰকায়স্থ আৰু বসন্ত দাসে মুখ্যমন্ত্রী হিমন্ত বিশ্ব শৰ্মাৰ প্ৰতি আনুগত্য প্ৰদৰ্শন কৰি বিজেপি চৰকাৰখনৰ প্ৰতি সমৰ্থন জনাইছে । বুধবাৰে বিধানসভা চৌহদত সংবাদ মাধ্যমৰ আগত নিজৰ প্ৰতিক্ৰিয়া এনেদৰে ব্যক্ত কৰে ৰহাৰ বিধায়ক শশীকান্ত দাসে ৷মুখ্যমন্ত্রী হিমন্ত বিশ্ব শৰ্মাৰ প্ৰশংসাত পঞ্চমুখ হৈ দাসে কয়, "মহাপুৰুষ শ্ৰীমন্ত শংকৰদেৱৰ আদৰ্শৰে মুখ্যমন্ত্রী হিমন্ত বিশ্ব শৰ্মা আগুৱাই গৈছে ।" কেৱল বিৰোধৰ নামত বিৰোধ কৰিব নালাগে বুলি উল্লেখ কৰি দাসে কয় যে অসমখনক আগুৱাই নিয়াৰ বাবে মুখ্যমন্ত্রীয়ে কৰা চিন্তা-চৰ্চাক সকলোৱে সমৰ্থন জনাব লাগে । দাসে কয় যে, অসমৰ প্ৰতিটো জাতি-জনগোষ্ঠীক একত্রিত কৰি অসমক আগুৱাই লৈ যোৱাৰ ক্ষেত্রত 2021 চনতে মুখ্যমন্ত্রীয়ে গ্ৰহণ কৰা পদক্ষেপটো উচিত বুলি তেখেতে পূৰ্বানুমান কৰিছিল আৰু সেইসূত্ৰে চৰকাৰখনৰ প্ৰতি পূৰ্ণ সমৰ্থন আগবঢ়াইছিল ।লগতে পঢ়ক:  প্ৰদেশ কংগ্ৰেছৰ নেতৃত্বৰ আখ্যান বখানিলে বিধায়ক কমলাক্ষই