বন্ধুৱে ডিঙি কাটি হত্যা কৰিলে গাঁওবুঢ়াক - SENSATIONAL MURDER AT KATHIATOLI

বঢ়মপুৰ, 19 জুলাই: নগাঁও জিলাৰ কঠীয়াতলীত সংঘটিত হৈছে এক লোমহৰ্ষক হত্যাকাণ্ড ৷ নামবৰ লালুংগাঁৱৰ চৰকাৰী গাঁওবুঢ়া চিৰন্তন বৰদলৈক কঠীয়াতলীৰ দৈনিক বজাৰত দাৰে ডিঙি কাটি পেলাই থৈ যায় পলাশ আমচং নামৰ এজন লোকে ৷ ইতিমধ্যে নগাঁও আৰক্ষীয়ে এই ঘটনাৰ মূল অভিযুক্ত পলাশ আমচঙক আটক কৰিছে ৷

জানিব পৰা মতে, পলাশ আমচঙৰ ঘৰ ভুক্তভোগীৰ ঘৰৰ সৈতে একেখন গাঁৱতে ৷ বৃহস্পতিবাৰে নিশা সংঘটিত এই ঘটনাৰ পিছত শুকুৰবাৰে নামবৰ লালুং গাঁৱৰ ৰাইজৰ লগতে সদৌ অসম তিৱা ছাত্ৰ সন্থাৰ সদস্যসকল কঠিয়াতলী আৰক্ষী চকীত উপস্থিত হৈ হত্যাকাৰীৰ ফাঁচীৰ দাবী তোলে ৷ ব্যক্তিগত কাৰণৰ বাবেই এগৰাকী চৰকাৰী গাঁওবুঢ়াক কঠিয়াতলী বজাৰৰ মাজমজিয়াত নৃশংসভাৱে হত্যা কৰি পেলাই যোৱা কাৰ্যক অঞ্চলটোৰ ৰাইজে সহজভাৱে ল'ব পৰা নাই ৷

লগতে পঢ়ক: সুন্দৰবন নগৰ হত্যাকাণ্ডৰে জড়িত চাৰি হত্যাকাৰীক গ্ৰেপ্তাৰ - Sensational Murder In Guwahati