লাহৰিজানত ৬ লক্ষাধিক টকাৰ হেৰ'ইনসহ যুৱক গ্ৰেপ্তাৰ - Anti Drugs Operation
Published : May 11, 2024, 10:50 PM IST
ডিফু, ১১ মে': ড্ৰাগছ, বাৰ্মিজ চুপাৰি, চিগাৰেট,গাঞ্জা আৰু বিভিন্ন অপৰাধমূলক কাৰ্যকলাপৰ বাবে অপৰাধীয়ে নিৰাপদ ক'ৰিডৰ হিচাপে ব্যৱহাৰ কৰি আহিছে কাৰ্বি আংলং জিলাৰ অসম-নাগালেণ্ড সীমান্তৰ লাহৰিজান । ইয়াৰ মাজতেই শনিবাৰে লাহৰিজানত উদ্ধাৰ হৈছে কেইবা লক্ষাধিক টকাৰ হেৰ'ইন ৷ আজি দিনৰ ২:৩০ বজাত খটখটী থানা এলেকাৰ লাহৰিজানৰ দুদু ক'লনিত ৬ লক্ষাধিক টকাৰ হেৰ'ইন জব্দ কৰিবলৈ সক্ষম হয় আৰক্ষী ৷
দুদু ক'লনিত এজন নগা যুৱকে কোনো লোকক ড্ৰাগছ সৰবৰাহ কৰিবলৈ অহাৰ সময়তেই আৰক্ষীয়ে অভিযান চলাই নগা যুৱকজনে অনা NL 07 EC 2353 নম্বৰৰ স্কুটীৰ পৰা ১৪ টা চাবোনৰ বাকচত লুকুৱাই অনা ১৬৬'৩ গ্ৰাম হেৰ'ইন জব্দ কৰিবলৈ সক্ষম হয় ৷ ধৃত নগা যুৱকজন ডিমাপুৰৰ ইখুম গাঁৱৰ থুংচাম মুৰিৰ পুত্ৰ মাহো মুৰি বুলি চিনাক্ত কৰা হৈছে ।