দৰং-ওদালগুৰিত দিলীপ শইকীয়াক প্ৰাৰ্থিত্ব প্ৰদানত আনন্দৰ জোৱাৰ - Darrang Udalguri constituency

দৰং, ২ মাৰ্চ: লোকসভা নিৰ্বাচন-২০২৪ৰ বাবে বিজেপিৰ প্ৰথমখন তালিকা আজি ঘোষণা  কৰা হৈছে ৷ সমগ্ৰ দেশৰ ১৯৫ খন আসনৰ বাবে বিজেপিয়ে প্ৰাৰ্থীৰ নাম ঘোষণা কৰিছে  ৷ দিল্লীত সংবাদমেল যোগে বিজেপিৰ নেতৃত্বই ঘোষণা কৰে । অসমত ১৪ খন আসনৰ ভিতৰত ১১ খন আসনত প্ৰতিদ্বন্দ্বিতা কৰিব বিজেপিয়ে । আটাইকেইখন আসনতে আজি প্ৰাৰ্থী ঘোষণা কৰিলে বিজেপিয়ে । এই ১১ গৰাকী প্ৰাৰ্থীৰ ৫ গৰাকী হৈছে নতুন প্ৰাৰ্থী । এই তালিকাত স্থান লাভ কৰিছে সাংসদ দিলীপ শইকীয়াই ।

দৰং-ওদালগুৰি লোকসভা সমষ্টিত প্ৰাৰ্থিত্ব দিলীপ শইকীয়াই লাভ কৰাৰ পিচতেই কমলপুৰত বিজেপিৰ কৰ্মকৰ্তাৰ আনন্দ উল্লাস । মিঠাই খুৱাই বিহু নাচি আনন্দ উল্লাসত অংশগ্ৰহণ কৰিলে বিধায়ক দিগন্ত কলিতাই । তিনি লাখ ভোটৰ ব্যৱধানত দিলীপ শইকীয়াক বিজয়ী কৰাৰ সংকল্পৰ কথা উল্লেখ দিগন্ত কলিতাৰ । 

লগতে পঢ়ক:বিজেপিৰ প্ৰথমখন প্ৰাৰ্থী তালিকা : অসমৰ ১১গৰাকী প্ৰাৰ্থীৰ নাম ঘোষণা