ৰঙালীক আদৰাৰ প্ৰস্তুতি : মৰিয়নীত বিহু নাচ-ঢোলবাদনৰ কৰ্মশালা - Rongali Bihu

যোৰহাট, 29 মাৰ্চ : 2024 ৰ লোকসভা নিৰ্বাচনৰ সমান্তৰালকৈ লুইতৰ দুয়োপাৰে চলিছে অসমীয়াৰ হেপাঁহৰ ৰঙালী বিহুক আদৰাৰ ব্যাপক প্ৰস্তুতি ৷ ইয়াকে কেন্দ্ৰ কৰি মৰিয়নীৰ ঠায়ে ঠায়ে আৰম্ভ হৈছে বিহু নাচ আৰু ঢোলবাদনৰ কৰ্মশালা ৷

মৰিয়নী নকছাৰী গমধৰ বিহু দলৰ উদ্যোগত প্ৰথমবাৰৰ বাবে আয়োজন কৰা হৈছে বিহুনাচৰ কৰ্মশালা ৷ নকছাৰী গমধৰ বিহু দলৰ উদ্যোগত দহ দিনীয়াকৈ অনুষ্ঠিত কৰা কৰ্মাশালাত অংশগ্ৰহণ কৰিছে বৃহত্তৰ অঞ্চলটোৰ প্ৰায় দুই শতাধিক কণ কণ শিশুৰ পৰা আৰম্ভ কৰি কিশোৰ-কিশোৰী, যুৱক-যুৱতীয়ে ৷ নকছাৰী 16 নং উত্তৰ পূৱ পঞ্চায়তৰ প্ৰাংগনত অনুষ্ঠিত কৰা এই কৰ্মশালাৰ আখৰাত মুখ্য প্ৰশিক্ষাৰ্থী লতাশিল বিহু সম্ৰাজ্ঞী শব্দাতী কলিতাই দুই শতাধিক ন শিকাৰুক প্ৰশিক্ষণ প্ৰদান কৰিছে ৷

লগতে পঢ়ক : নতুন প্ৰজন্মৰ মাজত শুদ্ধ ৰূপত বিহুক উপস্থাপনৰ প্ৰয়াস: গোলাঘাটত প্ৰশিক্ষণ - Rongali Bihu