নলবাৰীত ঘোচ লৈ দুৰ্নীতি নিবাৰক শাখাৰ জালত লাট মণ্ডল খগেন কলিতা - LAT MANDAL ARRESTED - LAT MANDAL ARRESTED

নলবাৰী, 3 এপ্ৰিল : টকাৰ খঁক নুগুছেহে নুগুছে একাংশ চৰকাৰী বিষয়া-কৰ্মচাৰীৰ ৷ নিতৌ ঘোচ লৈ আটক হৈ আছে এজনৰ পিচত আন এজন খকুৱা চৰকাৰী বিষয়া-কৰ্মচাৰী ৷ চৰকাৰী দৰমহাৰে পেট নভৰা এনে একাংশ লোক দুৰ্নীতি নিবাৰক শাখাৰ জালত পৰাৰ পিচতো যেন এচামৰ চৰিত্ৰ সলনি হোৱা নাই ৷

বুধবাৰে পুনৰ নলবাৰীত ঘোচ লৈ হাত দাঙিলে এজন লাট মণ্ডলে ৷ নলবাৰীৰ ঘগ্ৰাপাৰ ৰাজহ চক্ৰ বিষয়াৰ লাট মণ্ডল খগেন কলিতাই ঘোচ লৈ হাতে-লোটে আটক হয় দুৰ্নীতি নিবাৰক শাখাৰ হাতত ৷ ঘোচখোৰ খগেন কলিতাক উৎকোচ লওতেই আটক কৰি বৰ্তমানো দুৰ্নীতি নিবাৰক শাখাই চলাই আছে মাৰাথন জেৰা ৷

অৱশ্যে আটকাধীন লাট মণ্ডলগৰাকীয়ে কাৰ পৰা কিমান টকা ঘোচ লৈছিল সেয়া বৰ্তমানেও জানিব পৰা হোৱা নাই ৷ 

লগতে পঢ়ক : নিৰ্বাচনৰ প্ৰাকক্ষণত খোৱাঙত জব্দ লক্ষাধিক টকা - Lok Sabha Election 2024