স্মাৰ্টফোন আজি আমাৰ জীৱনৰ এক অবিচ্ছেদ্য অংগ হৈ পৰিছে । সময়ৰ লগে লগে ইয়াৰ ব্যৱহাৰো বহুত বৃদ্ধি পাইছে । বেংকিঙৰ পৰা বজাৰ কৰালৈকে আমাৰ দৈনন্দিন জীৱনৰ বহু কাম আমি ফোনৰ সহায়তে কৰিছো । অৱশ্যে স্মাৰ্টফোন ব্যৱহাৰকাৰীসকল সদায় গোপনীয়তা আৰু সুৰক্ষাক লৈ চিন্তিত হৈ থাকে ।
প্ৰায়ে আমি কেমেৰা আৰু মাইক্ৰ’ফোনক মোবাইলত উপস্থিত এপ ব্যৱহাৰ কৰিবলৈ অনুমতি দিওঁ । ইয়াৰ বাবেই ফোন এটাই ব্যক্তি এজনৰ সকলো কথা শুনিব পাৰে । গুগল বা এপলে আমাৰ কথা শুনি থাকে নেকি বুলি সকলোৰে মনত এটা প্ৰশ্ন আছে ? উত্তৰটো শুনি আচৰিত হ’ব আপুনি, কিয়নো প্ৰকৃততে ফোনটোৱে আমাৰ সকলো কথাই শুনিব পাৰে ৷ আপুনি ফোনটো ব্যৱহাৰ কৰক বা নকৰক আপোনাৰ ফোনটোৱে আপুনি শোৱনি কোঠাৰ পৰা বন্ধুবৰ্গৰ সৈতে কি কথা পাতে সকলোবোৰ শুনে ৷
মন কৰিবলগীয়া কথা যে, স্মাৰ্টফোন ব্যৱহাৰকাৰীসকলে ফোনটো ব্যৱহাৰ কৰাৰ আগতে তেওঁলোকৰ ম'বাইলৰ কেমেৰা আৰু মাইকক ফোনটোত থকা প্ৰতিটো এপেই ব্যৱহাৰ কৰিবলৈ অনুমতি দিয়ে । অনুমতি দিওঁতে আমি আমাৰ ডিভাইচটো কেতিয়া আৰু কেনেকৈ ব্যৱহাৰ কৰিম সেই বিষয়ে নাভাবো ! গোটেই খেলখন ইয়াৰ পৰাই আৰম্ভ হয়।
Google Voice Assistant ব্যৱহাৰ কৰিবলৈ ব্যৱহাৰকাৰীয়ে মাইক্ৰ’ফোনৰ অনুমতি দিব লাগে । ইয়াৰ লগে লগে ভইচ এচিষ্টেণ্টে আপোনাৰ কণ্ঠৰ কাম আৰম্ভ কৰে । অৱশ্যে এই গুগল ভইচ এচিষ্টেণ্টে আপোনাৰ কথা শুনিছেই । কেৱল এয়াই নহয়, বহু ছ’চিয়েল মিডিয়া এপতো মাইক্ৰ’ফোনে অনুমতি বিচাৰে, য’ত ফেচবুকো অন্তৰ্ভুক্ত । ফেচবুকে ব্যৱহাৰকাৰীৰ পৰা এপ টেপ টু স্পিচ আৰু ভিডিঅ’ ছেটিঙৰ অনুমতি বিচাৰে আৰু মানুহেও চিন্তা নকৰাকৈয়ে ইয়াৰ অনুমতি দিয়ে । ই আপোনাৰ ব্যক্তিগত কথাও শুনিব পাৰে । অৱশ্যে এই সমস্যাৰ পৰা সহজেই পৰিত্ৰাণ পাব পাৰি ।