বাজাজ অটোৱে ভাৰতত বন্ধ কৰিলে তিনিখনকৈ বাইকৰ বিক্ৰী; আঁৰৰ কাৰণ কি ?

বাজাজ অটোৱে নিজৰ পৰ্টফলিঅ' আপডেট কৰি জানুৱাৰী মাহৰ পৰা 3 খন বাইকৰ বিক্ৰী বন্ধ কৰিবলৈ ওলাইছে । আপোনাৰ পছন্দৰ বাইকখনো আছে নেকি এই তালিকাত--

হায়দৰাবাদ: দুচকীয়া বাহন নিৰ্মাতা কোম্পানী বাজাজ অটোৱে নিজৰ পৰ্টফলিঅ’ আপডেট কৰিছে । ইয়াৰ তিনিখন বাইকৰ বিক্ৰী বন্ধ কৰাৰ কথা ঘোষণা কৰিছে । এই তিনিখন বাইক হৈছে প্লেটিনা 110 ABS, চিটি125X আৰু পালছাৰ F250 । এই বাইকসমূহৰ বিক্ৰী হ্ৰাস পোৱাত কোম্পানীয়ে এই বাইকসমূহৰ বিক্ৰী বন্ধ কৰি দিছে । শেহতীয়াকৈ কোম্পানীটোৱে এই বাইকসমূহ মুকলি কৰিছিল ।

কোম্পানীয়ে কোনবোৰ বাইকৰ বিক্ৰী বন্ধ কৰিছে ?

বাজাজ অটোৱে ভাৰতত বন্ধ কৰিলে তিনিখনকৈ বাইকৰ বিক্ৰী; আঁৰৰ কাৰণ কি ? (Bajaj Auto)

বাজাজ প্লেটিনা 110 ABS বাইকৰ কথা ক’বলৈ গ’লে, ই আছিল একক চেনেল ABS ৰ সৈতে অহা একমাত্ৰ চাব-125 CC কম্পিউটাৰাইজড মটৰ চাইকেল । বাজাজ অটো লাইনআপত দীৰ্ঘদিনীয়া মডেলসমূহৰ ভিতৰত অন্যতম হৈছে প্লেটিনা । কোম্পানীটোৰ প্ৰথম ABS ভেৰিয়েন্ট হিচাপে এই বাইকখন ব্যয়বহুল আছিল । 2022 চনত মুকলি কৰা এই বাইকখনৰ মূল্য আছিল 72,224 টকা (এক্স শ্ব’ৰুম) ।

বাজাজ CT125X ৰ কথা কওঁতে কোম্পানীয়ে এই শক্তিশালী বাইকখনক নিজৰ পৰ্টফলিঅ'ত বাজাজ CT110X ৰ ওপৰত স্থান দিছিল । এই মটৰ চাইকেলখন 125CC পাৰফৰমেন্স লেভেলৰ সৈতে আহিছিল । ইয়াৰ দাম আছিল 100-110CC তকৈ কম । কোম্পানীটোৱে এই বাইকখন 71,354 টকাৰ পৰা 74,554 টকাৰ ভিতৰত (এক্স শ্ব’ৰুম) বিক্ৰী কৰিছিল ।

বাজাজ অটোৱে ভাৰতত বন্ধ কৰিলে তিনিখনকৈ বাইকৰ বিক্ৰী; আঁৰৰ কাৰণ কি ? (Bajaj Auto)

একেদৰে, বাজাজ পালছাৰ F250 ৰ ক্ষেত্ৰত এই বাইকখন আছিল কোম্পানীটোৰ আটাইতকৈ জনপ্ৰিয় পালছাৰ 220F ৰ বৃহৎ সংস্কৰণ । কোম্পানীটোৱে পালছাৰ 220 F ক সলনি কৰাৰ লক্ষ্যৰে ইয়াক মুকলি কৰিছিল । কিন্তু কোম্পানীটোৰ এই কৌশলৰ প্ৰতিক্ৰিয়া আশা কৰা মতে নহ’ল । বৈশিষ্ট্য আৰু ৰূপৰ ক্ষেত্ৰত এই বাইকখন ইয়াৰ ক্ষুদ্ৰ সংস্কৰণ পালছাৰ 220F ৰ সৈতে মিল আছিল যদিও ভাৰতীয় গ্ৰাহকে ইয়াক নাকচ কৰিছিল । যোৱা বছৰহে ইয়াক আপডেট কৰা হৈছিল আৰু ইয়াৰ মূল্য আছিল 1.50 লাখ টকা (এক্স-শ্ব’ৰুম) ।

কোম্পানীয়ে নতুন বাইক আনিছে

খবৰ অনুসৰি বাজাজ অটোৱে নিজৰ পালছাৰ ৰেঞ্জত নতুন মটৰ চাইকেল মুকলি কৰিবলৈ সাজু হৈছে আৰু কোম্পানীয়ে ডিচেম্বৰৰ শেষৰ ফালে ইয়াক মুকলি কৰা হ’ব বুলি ইংগিত দিছে । কোম্পানীটোৱে নিজৰ ছ’চিয়েল মিডিয়া একাউণ্টত মটৰ চাইকেলখনৰ টিজাৰ শ্বেয়াৰ কৰিছে । কোৱা হৈছে যে নতুন মটৰ চাইকেলখন কোম্পানীটোৰ আৰ এছ ব্ৰেণ্ডেড মডেল হ’ব পাৰে ।

লগতে পঢ়ক: শীঘ্ৰেই বজাৰলৈ বাজাজৰ নতুন মটৰ চাইকেল !