নিউজ ডেস্ক, 30 ছেপ্টেম্বৰ:28 ছেপ্টেম্বৰত উৎক্ষেপণ কৰা ক্ৰুড মিছনৰ ড্ৰেগন মহাকাশযানখন ইতিমধ্যে আন্তঃৰাষ্ট্ৰীয় মহাকাশ কেন্দ্ৰ (আই এছ এছ)ত উপস্থিত হৈছে । মহাকাশচাৰী দুগৰাকী আই এছ এছত উপস্থিত হোৱাৰ পিছত তেওঁলোকক নাছাৰ মহাকাশচাৰী সুনীতা উইলিয়ামছ আৰু সহযোগী বাচ্চ উইলম'ৰে আদৰণি জনায় । এই দুগৰাকী মহাকাশচাৰীয়ে 2025 চনৰ ফেব্ৰুৱাৰী মাহত পৃথিৱীলৈ উভতি আহিব ।
মহাকাশত SpaceX কেপচুল
শনিবাৰে ভাৰতীয় সময় অনুসৰি নিশা প্ৰায় 10.47 বজাত ক্ৰু-9 অভিযানৰ মহাকাশ যানখনে মহাকাশলৈ যাত্ৰা আৰম্ভ কৰে । এই অভিযানৰ লক্ষ্য হৈছে যোৱা জুন মাহৰ পৰা মহাকাশত আবদ্ধ হৈ থকা মহাকাশচাৰীসকলক ঘূৰাই অনা । সুনীতা উইলিয়ামছ আৰু তেওঁৰ সংগী বাচ্চ উইলম'ৰে বয়িঙৰ ষ্টাৰলাইন মহাকাশযানত 8 দিনৰ বাবে মহাকাশলৈ যাত্ৰা কৰিছিল । কিন্তু উক্ত মহাকাশযানখনৰ যান্ত্ৰিক বিজুতিৰ বাবে যোৱা 3 মাহ ধৰি মহাকাশত আৱদ্ধ হৈ আছে দুই মহাকাশচাৰী । তেওঁলোকক কঢ়িয়াই অনা স্পেচএক্স কেপচুল দেওবাৰে আই এছ এছত উপস্থিত হয় ।
স্পেচ এক্স কেপচুলৰ অন্যান্য মহাকাশচাৰী