গীকবেঞ্চৰ তালিকাত দেখিবলৈ পোৱা গ’ল Samsung Galaxy S25 শ্লীম

এই বছৰ ছেমছাঙে নিজৰ এছ ছিৰিজত এটা নতুন শ্লীম মডেল সংযোজন কৰিবলৈ ওলাইছে । ইয়াক গীকবেঞ্চৰ তালিকাতো দেখা গৈছে ।

হায়দৰাবাদ: ভাৰতকে ধৰি সমগ্ৰ বিশ্বৰ স্মাৰ্টফোন ব্যৱহাৰকাৰীসকলে Samsung Galaxy S25 ছিৰিজৰ বাবে অপেক্ষা কৰি আছে । এই ফ্লেগশ্বিপ ফোন ছিৰিজ মুকলিৰ বাবে ছেমছাঙে এক অনুষ্ঠান আয়োজন কৰাৰ সিদ্ধান্ত লৈছে । এই অনুষ্ঠানৰ নাম হৈছে Samsung Galaxy Unpacked 2025 ইভেণ্ট, যিটো 22 জানুৱাৰীত ভাৰতীয় সময় অনুসৰি নিশা 10.30 বজাত আমেৰিকাৰ কেলিফৰ্ণিয়াত আয়োজন কৰা হ’ব । ছেমছাং গেলেক্সি আনপেকড ইভেণ্টত এটা নতুন ফ্লেগশ্বিপ ফোন মুকলি হোৱাৰ সম্ভাৱনা আছে । এই নতুন ফোনটোৰ নাম হ’ব পাৰে Samsung Galaxy S25 Slim, যিটো এতিয়া Geekbench তালিকাতো দেখা গৈছে ।

ছেমছাং গেলেক্সি S25 শ্লীম স্পট

আচলতে ছেমছাঙে প্ৰতি বছৰে এছ ছিৰিজৰ তিনিটা স্মাৰ্টফোন মুকলি কৰে । উদাহৰণস্বৰূপে, ছেমছাঙে যোৱা বছৰ অৰ্থাৎ 2024 চনত এছ ছিৰিজৰ তিনিটা ফোন মুকলি কৰিছিল - ছেমছাং গেলেক্সি S 24, ছেমছাং গেলেক্সি S24 প্লাছ আৰু ছেমছাং গেলেক্সি এছ 24 আল্ট্ৰা, কিন্তু এইবাৰ ছেমছাঙে এই ছিৰিজত এটা নতুন ফোন যোগ কৰাৰ পৰিকল্পনা কৰিছে । এই নতুন ফোনটো এছ ছিৰিজৰ শ্লীম মডেল হিচাপে পৰিচিত হ’ব ।

যোৱা কেইবামাহো ধৰি ছ’চিয়েল মিডিয়াত ছেমছাং গেলেক্সি S 25 শ্লীমৰ উৰাবাতৰি চলি আছিল যদিও এতিয়া এই ফোনটোও গীকবেঞ্চত দেখা গৈছে মডেল নম্বৰ SM-S937U ৰ সৈতে । এই হেণ্ডছেটটো মাদাৰবৰ্ডৰ ক’ডনেম ‘ছান’ৰ সৈতে দেখা গৈছে । ছেমছাঙৰ এই নতুন ফোনটো স্নেপড্ৰেগন 8 এলিট ছ’চি চিপছেটৰ সৈতে মুকলি কৰিব পাৰিব । এই ফোনটোৱে চিংগল কোৰ টেষ্টত 3.005 পইণ্ট আৰু মাল্টিকোৰ টেষ্টত 6945 পইণ্ট লাভ কৰিছে ।

কিছুমান স্পেচিফিকেশনও প্ৰকাশ কৰা হৈছিল

ইয়াৰ উপৰিও Geekbench তালিকাৰ জৰিয়তে প্ৰকাশ পাইছে যে Samsung Galaxy S25 Slim ত 12GB ৰেম থাকিব পাৰে আৰু এই ফোনটো Android 15 ৰ ওপৰত ভিত্তি কৰি One UI 7 interface ত চলিব পাৰে। Samsung S series ৰ এই নতুন মডেলৰ সম্ভাৱ্য স্পেচিফিকেশনৰ বিষয়ে কোৱা হৈছে , এই ফোনত 6.6 ইঞ্চিৰ স্ক্ৰীণ থাকিব পাৰে, যিটো Galaxy S25+ তো দেখা যায় । এই ফোনটোৰ বেটাৰী 4700mAh ৰ পৰা 5000mAh লৈকে থাকিব পাৰে । ফোনটোত 200MP ISOCELL HP5 প্ৰাইমেৰী কেমেৰা আৰু 50-50MP ৰ দুটা ISOCELL JN5 চেন্সৰ থাকিব পাৰে । এই কেমেৰা চেন্সৰবোৰৰ এটাত আল্ট্ৰাৱাইড এংগেল লেন্স আৰু আনটো কেমেৰা চেন্সৰত টেলিফটো লেন্স আহিব পাৰে, যিটো 3.5x অপটিকেল জুম সমৰ্থনৰ সৈতে আহিব পাৰে ।

লগতে পঢ়ক: আজি মুকলি হ’ব POCO X7 SERIES; ক’ত, কিদৰে চাব পাৰিব উক্ত মুকলি অনুষ্ঠানটো ?