হায়দৰাবাদ:কেন্দ্ৰীয় গ্ৰাহক সুৰক্ষা কৰ্তৃপক্ষৰ জাননীৰ পিছত অলা ইলেক্ট্ৰিকে গ্ৰাহকৰ 99.1% অভিযোগৰ সমাধান কৰিছে । শেহতীয়াকৈ বিতৰ্কৰ মাজতে গ্ৰাহক আৰু বিনিয়োগকাৰীৰ মাজত আস্থা ঘূৰাই অনাৰ লক্ষ্য লৈছে কোম্পানীটোৱে ।
গ্ৰাহকৰ অভিযোগ সন্দৰ্ভত কেন্দ্ৰীয় গ্ৰাহক সুৰক্ষা কৰ্তৃপক্ষৰ জাননীৰ প্ৰতি সঁহাৰি জনাইছে OLA ইলেক্ট্ৰিক এ । কোম্পানীটোৱে দাবী কৰিছে যে 10,644 টা অভিযোগৰ ভিতৰত 99.1 শতাংশ সমস্যা সমাধান কৰিছে । সোমবাৰে প্ৰেৰণ কৰা এখন পত্ৰত Ola ৰ মুখ্য বিত্তীয় বিষয়া হৰিশ আবিচান্দনীয়ে কয় যে কোম্পানীটোৱে CCPA ক প্ৰয়োজনীয় সকলো তথ্য প্ৰদান কৰিছে আৰু বেছিভাগ অভিযোগৰ সমাধান কৰিছে ।
চলিত মাহৰ আৰম্ভণিতে CCPA য়ে কোম্পানীটোক বিভ্ৰান্তিকৰ বিজ্ঞাপন আৰু অন্যায় কাম কৰাৰ অভিযোগ উত্থাপন কৰি Ola লৈ কাৰণ দেখুৱাৰ জাননী প্ৰেৰণ কৰিছিল । OLA ৰ পত্ৰখনে নিশ্চিত কৰিছে যে অভিযোগ চম্ভালিবলৈ তেওঁলোকৰ ব্যৱস্থা ফলপ্ৰসূ আৰু CCPA ৰ পৰা তেওঁলোকে লাভ কৰা 10,644 টা অভিযোগৰ ভিতৰত 99.1 শতাংশ অভিযোগ গ্ৰাহকৰ সন্তুষ্টিৰ বাবে সমাধান কৰা হৈছিল ।
পত্ৰখনত অলা ইলেক্ট্ৰিকে দাবী কৰিছে যে তেওঁলোকে গ্ৰাহকৰ সমস্যা সমাধান আৰু সকলো নিয়ন্ত্ৰণমূলক প্ৰয়োজনীয়তা পূৰণৰ বাবে কৰ্তৃপক্ষৰ সৈতে কাম কৰাৰ বাবে প্ৰতিশ্ৰুতিবদ্ধ । কোম্পানীটোৱে আশা কৰিছে যে এই সঁহাৰিয়ে শেহতীয়াকৈ হোৱা বিতৰ্কৰ পিছত গ্ৰাহক আৰু বিনিয়োগকাৰী উভয়ৰে পৰা আস্থা ঘূৰাই পোৱাত Ola ক সহায় কৰিব ।
বিবৃতিটোত কোৱা হৈছে, "আমি পুনৰ ক'ব বিচাৰো যে আমাৰ বাহন সন্দৰ্ভত উত্থাপিত অভিযোগসমূহৰ সমাধানৰ বাবে Ola ইলেক্ট্ৰিকৰ এক শক্তিশালী ব্যৱস্থা আছে । আচলতে আমি এই কথাত গুৰুত্ব দিব বিচাৰো যে CCPA ৰ পৰা আমি লাভ কৰা 10,644 টা অভিযোগৰ ভিতৰত 99.1 শতাংশ অভিযোগ গ্ৰাহকৰ সন্তুষ্টিৰ বাবে সমাধান কৰা হৈছিল ।"
কুণাল কামৰা বনাম ভবিষ আগৰৱালা
শেহতীয়াকৈ Ola ইলেক্ট্ৰিকৰ সেৱা সন্দৰ্ভত বিভিন্ন চৰ্চা চলিছে । ষ্টেণ্ড আপ কমেডিয়ান কুনাল কামৰাই কোম্পানীটোক মুকলিকৈ সমালোচনা কৰি গ্ৰাহকৰ সমস্যা সমাধানৰ বাবে স্পষ্ট পৰিকল্পনা যুগুত কৰিবলৈ দাবী জনায় । কামৰাৰ এই মন্তব্যৰ ফলত ছ’চিয়েল মিডিয়াত Ola ৰ শীৰ্ষ কাৰ্যবাহী বিষয়া ভবিষ আগৰৱালৰ সৈতে বাকযুদ্ধ হয় ।