ভাৰতত মুকলি হ’ল Kawasaki KLX230; মূল্য কিমান ?

Kawasaki ইণ্ডিয়াই মুকলি কৰিছে Kawasaki KLX230 । 3.30 লাখ টকাত মুকলি কৰা হৈছে এই ডাৰ্ট বাইকখন ।

হায়দৰাবাদ: মটৰ চাইকেল নিৰ্মাতা কোম্পানী Kawasaki ইণ্ডিয়াই মুকলি কৰিছে Kawasaki KLX230। কোম্পানীটোৱে এই ডাৰ্ট বাইকখন 3.30 লাখ টকা (এক্স শ্ব’ৰুম, ভাৰত) মূল্যত মুকলি কৰিছে । বৰ্তমান এই মটৰ চাইকেল ভাৰতত বিক্ৰী হোৱা আটাইতকৈ দামী ৰোড-লিগেল ডুৱেল স্পৰ্টছ মটৰ চাইকেল ।

Kawasaki KLX230ৰ স্পেচিফিকেশন

নতুন Kawasaki KLX230 ত ব্যৱহাৰ কৰা হৈছে 233cc এয়াৰ কুলড ইঞ্জিন যিয়ে 8,000rpm ত 18bhp শক্তি আৰু 6,400rpm ত 18.3Nm টৰ্ক উৎপন্ন কৰে । এই ইঞ্জিনটো 6 স্পীড গিয়াৰবক্সৰ সৈতে সংযুক্ত কৰা হৈছে ।

এই মটৰ চাইকেলৰ ইন্ধনৰ টেংকি তুলনামূলকভাৱে সৰু, যিটো মাত্ৰ 7.6 লিটাৰ । ইয়াৰ সন্মুখত 240 মিমি ট্ৰেভেলৰ সৈতে 37 মিমি টেলিস্কোপিক ফৰ্ক আৰু পিছফালে 250 মিমি ট্ৰেভেলৰ সৈতে মনোশ্বক এবজৰ্বাৰ আছে ।

Kawasaki KLX230 ৰ বৈশিষ্ট্যসমূহ

মটৰ চাইকেলখনত উপলব্ধ বৈশিষ্ট্যসমূহৰ কথা ক’বলৈ গ’লে ইয়াৰ বৈশিষ্ট্য তালিকা যথেষ্ট চুটি আৰু ইয়াত এটা মনোটন এলচিডি আছে, যিটো ব্লুটুথ সংযোগৰ সৈতে আহে । ইয়াৰ উপৰিও এই বাইকখনত আছে ডুৱেল চেনেল এবিএছ । KLX230 ৰ ওজন 139 কিলোগ্ৰাম, যিটো তুলনামূলকভাৱে লঘু আৰু ইয়াৰ আসনৰ উচ্চতা 880 মিলিমিটাৰ । অৱশ্যে সৰু ৰাইডাৰৰ বাবেও এটা বিকল্প নিম্ন আসনৰ বিকল্প দিয়া হৈছে ।

Kawasaki KLX230 ৰ প্ৰতিদ্বন্দ্বী

বৰ্তমান কাৱাছাকি KLX230 য়ে Hero Xpulse 200 4V আৰু Xpulse 200 4V Pro ৰ সৈতে প্ৰতিযোগিতাত অৱতীৰ্ণ হৈছে, যাৰ মূল্য ক্ৰমে 1.51 লাখ টকা (এক্স শ্ব’ৰুম, ভাৰত) আৰু 1.64 লাখ টকা (এক্স শ্ব’ৰুম, ভাৰত) । ইয়াৰ তুলনাত Kawasaki KLX230 ৰ দাম দুগুণ ।

লগতে পঢ়ক: আপুনিও লাভ কৰিব পাৰে 24 কেৰেটৰ অ’লাৰ ই-স্কুটাৰ; জানক কেনেকৈ ?