হায়দৰাবাদ: সোমবাৰে গুগলে 100 খনতকৈও অধিক দেশলৈ AI Overviews সম্প্ৰসাৰণৰ কথা ঘোষণা কৰে । কৃত্ৰিম বুদ্ধিমত্তা (AI) ব্যৱহাৰ কৰি অনুসন্ধান কৰা প্ৰশ্নৰ চমু আভাস প্ৰদান কৰা এই বৈশিষ্ট্যটো পূৰ্বতে কেইটামান অঞ্চলত সীমাবদ্ধ আছিল । কিন্তু মাউণ্টেন ভিউৰ ঔদ্যোগিক প্ৰতিষ্ঠানটোৱে এতিয়া এই আপডেটৰ জৰিয়তে বহল ব্যৱহাৰকাৰী ভিত্তিলৈ ঠেলি দিছে । মুকলি হোৱাৰ পিছৰে পৰা এই বৈশিষ্ট্যৰ আটাইতকৈ বৃহৎ সম্প্ৰসাৰিত অভিযান বুলি কোম্পানীটোৱে আলোকপাত কৰে । উল্লেখযোগ্য যে, যোৱা মাহত এক প্ৰতিবেদনযোগে দাবী কৰা হৈছিল যে AI Overviews য়ে আন্তঃপৃষ্ঠৰ তলত কিছুমান ব্যৱহাৰকাৰীক বিজ্ঞাপন দেখুৱাবলৈ আৰম্ভ কৰিছিল ।
গুগলে 100 খনতকৈও অধিক দেশলৈ এআই অভাৰভিউ সম্প্ৰসাৰণ কৰে ৷
এটা ব্লগ পোষ্টত ঔদ্যোগিক প্ৰতিষ্ঠানটোৱে সম্প্ৰসাৰণৰ পদক্ষেপৰ বিশদ বিৱৰণ দিছিল । মে’ মাহত জনসাধাৰণৰ বাবে মুকলি কৰা হৈছিল AI Overviews । কিন্তু 2023 চনত বিটা পৰীক্ষকৰ বাবে ইয়াক চাৰ্চ জেনেৰেটিভ এক্সপিৰিয়েন্স (SGE) হিচাপে উপলব্ধ কৰা হৈছিল । মুকলিৰ সময়ত গুগলে এই বৈশিষ্ট্যৰ ব্ৰেণ্ডিং সলনি কৰি নতুন নামটো প্ৰৱৰ্তন কৰে ।
গুগলে কয় যে এই সপ্তাহৰ পৰা এআই অভাৰভিউ 100 খনতকৈও অধিক দেশত উপলব্ধ হ’ব আৰু পূৰ্বতকৈ অধিক ভাষাত উপলব্ধ হ’ব । আগতে ই কেৱল ইংৰাজী ভাষাতহে উপলব্ধ আছিল যদিও এতিয়া এই বৈশিষ্ট্যই হিন্দী, ইণ্ডোনেছিয়ান, জাপানীজ, পৰ্তুগীজ আৰু স্পেনিছও সমৰ্থন কৰে । অৰ্থাৎ ইংৰাজী ভাষাত কোনো প্ৰশ্ন সোধা নহ’লেও AI Overviews সক্ৰিয় হ’ব ।