মৰিগাঁও,১১ জুলাই: আজি বিশ্ব জনসংখ্যা দিৱস । সমগ্ৰ বিশ্বৰ লগতে বৃহস্পতিবাৰে জনসংখ্যা সমাধান ফাউণ্ডেচনৰ মৰিগাঁও জিলা সমিতিয়ে পালন কৰে বিশ্ব জনসংখ্যা দিৱস । এই দিৱসটিৰ লগত সংগতি ৰাখি জনসংখ্যা সমাধান ফাউণ্ডেচনৰ মৰিগাঁও জিলা সমিতিয়ে প্ৰধানমন্ত্ৰীলৈ কঠোৰ জনসংখ্যা আইন বলবৎ কৰাৰ দাবীৰে প্ৰেৰণ কৰে এখন স্মাৰকপত্ৰ ।
বৃহস্পতিবাৰে মৰিগাঁও জিলা সাংবাদিক সন্থাৰ সভাকক্ষত জিলা সমিতিয়ে সংবাদমেল সম্বোধন কৰি চৰকাৰক শীঘ্ৰে জনসংখ্যা নিয়ন্ত্ৰণ তথা কঠোৰ জনসংখ্যা আইন প্ৰণয়ন কৰাৰ বাবে দাবী জনায় । ইয়াৰ পূৰ্বে মৰিগাঁও জিলা আয়ুক্তৰ জৰিয়তে দেশৰ প্ৰধানমন্ত্ৰীলৈ প্ৰেৰণ কৰে স্মাৰকপত্ৰখন । এই কাৰ্যসূচীত অংশগ্ৰহণ কৰে ক্ৰমে জিলা অধ্যক্ষ অতুল বৰা, জিলা বৌদ্ধিক প্ৰমুখ লেলিন ডেকা, পৱন মান্তা, জাগীৰোড সমষ্টিৰ বৌদ্ধিক প্ৰমুখ জিতেন ডেকা, মহা সচিব ক্ৰমে কণেশ্বৰ কোঁৱৰ, ৰণদ্বীপ ডেকা আৰু ৰাজ্যিক সমিতিৰ সহ সংযোজক পুলিন কাকতি, সংযোজিকা কবিতা ডেকা প্ৰমুখ্যে ভালে কেইগৰাকী বিষয়ববীয়াই ।
এই সন্দৰ্ভত মৰিগাঁও সাংবাদিক সন্থাৰ কাৰ্যালয়ত সংবাদমেল সম্বোধন কৰি কয় যে ৰাজ্যৰ বিভিন্ন জিলাৰ সমান্তৰালকৈ জনসংখ্যা সমাধান ফাউণ্ডেশ্যনৰ মৰিগাঁও জিলা সমিতিয়ে জিলা আয়ুক্তৰ জৰিয়তে প্ৰধানমন্ত্ৰীলৈ স্মাৰকপত্ৰ প্ৰেৰণ কৰি এই সন্দৰ্ভত চৰকাৰে এখন কঠোৰ জনসংখ্যা আইন প্ৰণয়ন কৰিব বুলি আশা প্ৰকাশ কৰে ।