ধুবুৰী, 28 জুন : ধুবুৰী জিলাৰ গৌৰীপুৰৰ দুমৰদহত সৰ্প দংশনত মৃত্যু 16 বছৰীয়া কিশোৰৰ ৷ চিকিৎসকৰ গাফিলতিৰ বাবেই সৰ্প দংশনত আক্ৰান্ত কিশোৰজনৰ মৃত্যু হয় বুলি এতিয়া অভিযোগ কৰিছে পৰিয়ালৰ লোকে ৷ ধুবুৰী চিকিৎসা মহাবিদ্যালয় আৰু হাস্পতালৰ চিকিৎসকৰ ভুল চিকিৎসাৰ ফলতেই কিশোৰজনৰ মৃত্যু হোৱা বুলি পৰিয়ালৰ লোকে অভিযোগ উত্থাপন কৰিছে ৷
চিকিৎসকৰ ভুলৰ বাবে সৰ্প দংশনত আক্ৰান্ত কিশোৰৰ মৃত্যু হোৱাৰ অভিযোগ (ETV BHARAT ASSAM)
পৰিয়ালৰ লোকে জনোৱা অনুসৰি সৰ্প দংশনৰ লগে লগে কিশোৰজনক ধুবুৰী চিকিৎসা মহাবিদ্যালয় আৰু হাস্পতালত ভৰ্তি কৰোৱা হৈছিল ৷ পৰিয়ালৰ অভিযোগ অনুসৰি চিকিৎসা মহাবিদ্যালয়ত ভৰ্তি কৰাৰ পিচতে চিকিৎসকে কিশোৰজনক বেজী দিয়ে আৰু ইয়াৰ কিছু সময়ৰ পিচতে ভুক্তভোগীৰ মৃত্যু হয় ৷ ফলত চিকিৎসকৰ ভুল চিকিৎসাৰ বাবেই কিশোৰজনৰ মৃত্যু হোৱাৰ অভিযোগ কৰিছে পৰিয়ালৰ লোকে ৷