আন্তঃৰাষ্ট্ৰীয় চাহ দিৱসৰ দিনাই চাহ শ্ৰমিকৰ প্ৰতিবাদ - TEA WORKERS PROTEST IN MARIYANI

Tea workers protest : আন্তঃৰাষ্ট্ৰীয় চাহ দিৱসৰ দিনাই উত্তপ্ত হৈ পৰিল মৰিয়নীৰ গাভৰু চাহ বাগিচা ৷ প্ৰাপ্যৰ দাবীত প্ৰতিবাদত বহিল চাহ শ্ৰমিকসকল ৷

যোৰহাট, 21 মে’ : দীৰ্ঘদিন ধৰি নিজৰ উচিত প্ৰাপ্য পৰা বঞ্চিত হৈ আহিছে বাগিচাৰ চাহ শ্ৰমিকসকল । আনকি বৰ্তমান সময়তো এজন শ্ৰমিকে দৈনিক মজুৰি যিমান পাব লাগে সেয়া সম্ভৱ হৈ উঠা নাই ৷ ৰাজ্যত সময়ে সময়ে চাহ শ্ৰমিকসকলে প্ৰতিবাদ সাব্যস্ত কৰিছে যদিও কাণসাৰ নাই ৰজাঘৰৰ ৷

আজি আন্তঃৰাষ্ট্ৰীয় চাহ দিৱসৰ দিনাই প্ৰতিবাদত নামিল একাংশ চাহ শ্ৰমিক ৷ মঙলবাৰে মৰিয়নী গাভৰু পৰ্বত চাহ বাগিচাৰ সহস্ৰাধিক শ্ৰমিকৰ উত্তাল প্ৰতিবাদত এক প্ৰকাৰ বাগিচা কাম-কাজ স্তব্ধ হৈ পৰে । চাহ শ্ৰমিকসকলৰ গ্ৰেছ্যুইটি আদায় দিয়া, অস্বায়ী শ্ৰমিকৰ ভৱিষ্যৎ নিধি কৰ্তন কৰাৰ লগতে বিভিন্ন সমস্যা সমাধানৰ দাবীত বাগিচাখনৰ সহস্ৰাধিক শ্ৰমিকে প্ৰতিবাদী কাৰ্যসূচী গ্ৰহণ কৰে ৷ লগতে আজিৰ পৰা আগন্তুক ২8 মে’লৈকে প্ৰতিবাদকাৰীসকলে এই ধৰ্ণা কাৰ্যসূচী ৰূপায়ণ কৰিব বুলিও জানিবলৈ দিয়ে ৷

তাৎপৰ্যপূৰ্ণ যে, বাগিচাখনৰ কৰ্মৰত শ্ৰমিকসকলক বাগিচা কতৃপক্ষই বিশুদ্ধ পানী পৰিৱৰ্তে অপৰিস্কাৰ পানী যোগান ধৰি অহাৰ গুৰুতৰ অভিযোগ উথাপন কৰিছে প্ৰতিবাদীকাৰীসকলে ৷ ফলত অপৰিস্কাৰ পানী সেৱন কৰি বিভিন্ন ধৰণৰ ৰোগত আক্ৰান্ত হৈছে বাগিচাৰ শ্ৰমিকসকল ।

আনহাতে উপৰোক্ত দাবীসমূহ যদি শীঘ্ৰে সমাধান নকৰে তেতিয়াহ’লে অনাগত দিনত পুনৰ প্ৰতিবাদী কাৰ্যসূচী গ্ৰহণ কৰা হুংকাৰ প্ৰদান কৰে প্ৰতিবাদী শ্ৰমিকসকলে । এই প্ৰতিবাদী কাৰ্যসূচীত শ্ৰমিকসকলক সংগ দিয়ে অসম চাহ মজদুৰ সংঘই ৷

উল্লেখ্য যে, সততে চাহ শ্ৰমিক সমাজৰ উন্নতি হোৱা বুলি ভুৱা প্ৰতিশ্ৰুতি আৰু শ্লোগান দিয়া নেতা-মন্ত্ৰী তথা শ্ৰমিক নেতাসকলে এই সকলোবোৰ দেখিও যেন নেদেখাৰ ভআও ধৰিছে ৷ দিনক দিনে চাহ বাগিচাৰ শ্ৰমিকসকলৰ অৱস্থা পানীত হাঁহ নচৰাৰ দৰে হৈছে ৷

লগতে পঢ়ক:চাহ শ্ৰমিকৰ ধাৰাবাহিক প্ৰতিবাদৰ পাচতে ভুক্তভোগীৰ গৃহত উপস্থিত বিধায়ক বিনোদ হাজৰিকা - MLA Binod Hazarika