বিশ্বনাথ, 21 জুলাই : বিহালী আৰক্ষী থানাৰ অন্তৰ্গত বুৰৈ ঘাটৰ 1 নং ননকে বিহমাৰীত নিশা সংঘটিত হয় এক নৃশংস হত্যাকাণ্ড ৷ বিহালী সমষ্টিৰ বুৰৈ ঘাটৰ ননকে বিহমাৰী গাঁৱত নিশাৰ ভাগত দুৰ্বৃত্তই এজন লোকক নিজ ঘৰৰ ভিতৰতে নৃশংসভাৱে হত্যা কৰা ঘটনাই অঞ্চলটোত তীব্ৰ চাঞ্চল্যৰ সৃষ্টি কৰিছে ৷ পুৱাৰ ভাগত স্থানীয় লোকে তেজেৰে লুতুৰি পুতুৰি হৈ মজিয়াত পৰি থকা অৱস্থাত প্ৰত্যক্ষ কৰে ব্যক্তিজনৰ মৃতদেহ ৷
দিন হাজিৰা কৰি খোৱা ব্যক্তিক ঘৰৰ ভিতৰতে হত্যা দুৰ্বৃত্তৰ (ETV Bharat Assam)
জানিব পৰা মতে অকলশৰে বসবাস কৰা শান্তিলাল শ্ৰেষ্ঠ নামৰ লোকজনক নিশাৰ ভাগত কোনো দুৰ্বুত্তই নিজ গৃহৰ ভিতৰতে হত্যা কৰি পেলাই থৈ যায় ৷ এই ঘটনা পোহৰলৈ আহে দেওবাৰে পুৱা 10 মান বজাত ৷ ব্যক্তিজন পুৱা ঘৰৰ পৰাই ওলাই নহাত কাষতে থকা ভাতৃয়ে খবৰ ল’বলৈ ঘৰলৈ গৈ মৃতদেহটো দেখা পাই ৷ লগে লগে স্থানীয় লোক আৰু পৰিয়ালে বিহালী আৰক্ষী আৰু গাঁওৰক্ষী বাহিনীক ঘটনা সন্দৰ্ভত অৱগত কৰে ৷